Dünya futbolu
“Qarabağ”ın Delarj dərdi
Yeni mövsümün hazırlıqlarını davam etdirən “…
Yeni mövsümün hazırlıqlarını davam etdirən “Qarabağ” istədiyi bütün transferləri reallaşdıra bilmir. Bunun əsas səbəbi istənilən səviyyədə və qiymətə futbolçunun tapılmamasıdı. Belələri olanda isə onları Azərbaycanda oynamağa razı salmaq olmur.
Amma ağdamlıların axtarışı davam edir və güman ki, yaxın günlərdə yeni adlar eşidəcəyik. Hələlik yola salınan 4 əcnəbinin əvəzinə 2-ni almış çempion seçimini edir.
“Qarabağ”da Con Delarjla bağlı problem də davam edir. Baş məşqçi Qurban Qurbanovun gözündən düşən və qışda əvəzedici komandaya göndərilən konqolu hücumçu komandaya yük olmaqdadı. Ümidi doğrultmayan 29 yaşlı əcnəbi nə hazırlıq səviyyəsini yüksəldir, nə də özünə yeni klub tapa bilir.
Sakitcə zamanını gözləyən futbolçu “Qarabağ”da aldığı maaşdan daha yaxşı müqavilə təklif edən olmadığından, gözləmədədi. O, klubun onu yola salacağına, kompensasiya ödəyəcəyinə, klub isə nəhayət, Delarja müştəri çıxacağına ümid bəsləyir. Qarşılıqlı anlaşma isə mümkün olmur.
Əldə etdiyimiz məlumata görə, Delarj aylıq 40 min avro maaş alır. Dekabra kimi müqaviləsi olan futbolçuya görə keçmiş klubu “Bursaspor”a da 400 min avro ödənmişdi. “Qarabağ”da 4 matça çıxan və fərqlənməyən forvard onsuz da komandaya xeyir verməyib, müqaviləsi və transfer haqqı təqribən 1 milyon avroya başa gəlib. Bu üzdən onun qalması əlavə problemə səbəb olur. Müştəri tapılmayacağı təqdirdə, ona sərf olunan vəsait havaya sovrulmuş sayılacaq, üstəlik, o, komandaya fayda verəcək hansısa futbolçunun yerini tutacaq.
“Qarabağ”ın üzvü əvəzedici komandada da yararsızdı. Az qala bütün divizion futbolçularının cəmi qədər maaş alan oyunçu ötən mövsüm bu fərqi ortaya qoymadı. Klub rəhbərliyinin, məşqçilərinin səhv seçimi, oyunçunun ümidləri doğrultmaması göz qabağındadı. Xarakterindəki problem üzündən əsas komandadan uzaqlaşdırılan Delarj təcrübəsi yəqin ki, “Qarabağ”a dərs oldu. Ümid edirik, bu, sonuncu səhv seçim olacaq. Düzdü, o pulları elə klub özü qazanıb, lakin yüksək məbləği daha yaxşı xərcləmək olardı.
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”