Müsahibə
Beqoviç qalmaq istəyir, amma…
"Qarabağ"ın qapıçısı Asmir Beqoviç Azərb…
"Qarabağ"ın qapıçısı Asmir Beqoviç Azərbaycan Premyer Liqasının 13-cü turunda "Sabah"la oyundan (1:0) sonra jurnalistlərin suallarını cavablandırıb. O, həm matçla bağlı danışıb, həm də karyerasını harada davam etdirmək ustədiyinə aydınlıq gətirib.
– Matçla bağlı nə deyəcəksən?
– Çətin oyun oldu. Oyunboyu kollektiv mübarizə apardıq. Bəxtimiz gətirsəydi, daha çox qol vurub, daha rahat qələbə qazanacaqdıq. Baxımlı qol vurduq və vacib xal qazandıq.
– Uzun zaman sonra “Qarabağ”ın qələbə qazanması haqda nə deyəcəksən?
– Razıyam. Bu gün yaxşı mübarizə apardıq. Bir az da bəxt üzümüzə güldü.
– Hava şəraiti sizə çətinlik yaradırdı?
– Bəli, yağış, külək var idi. “Sabah”ın da yaxşı təşkilatlanmış komandası var. Bizə qarşı əla oynadılar.
– 3-4 gün əvvəl “Ramon Sançez Pisxuan”da “Sevilya”ya qarşı oynadınız, indi isə Masazırda “Sabah”a qarşı. Köklənmək çətin deyil?
– Fərqli çağırışlardır. Hər oyun önəmlidir. Artıq liqaya köklənməliyik və qalib gəlməliyik.
– “Qarabağ”dan ayrılacağın deyilir. Qışda komandadan ayrılacaqsan?
– Burada elə bir şey yoxdu. Onsuzda icarə müddətim yanvarın 1-nə kimi idi. İcarə müddəti bitəndən sonra İngiltərəyə qayıdacağam. “Qarabağ”da da uzun müddət qalmaq istəyərdim.
– “Qarabağ”da qalmaq istəyirsən?
– Təbii ki, qalmaq istəyərdim. Baş məşqçim, komanda yoldaşlarım yaxşı insanlardır. Bakı gözəl şəhərdir. Burada qalmaq istəyərdim. Amma bu, mənim istəyimdən asılı olan bir şey deyil. “Bornmut” və “Qarabağ” arasında olan məsələlərdir.