Ölkə futbolu
Rəfiyevin milyonluq məzuniyyəti
“Sumqayıt”ın prezidenti Riad Rəfiyev məzuniyyətə &cc…
“Sumqayıt”ın prezidenti Riad Rəfiyev məzuniyyətə çıxıb. Komandası ölkə kubokunda vacib matçlar oynayarkən, istirahətə cəmi 3 gün qalarkən o, tələsib. Görünür, “Sumqayıt”ın nəticələrinin Rəfiyev üçün önməi yoxdu, belə məqamda məzuniyyət hər şeydən vacibdi.
Ruad bəy təkcə “Sumqayıt”a biganə deyil. Aylardı toplanmayan Klublar Komitəsinin taleyi də sədr üçün önəmsizdi. Daha ciddi planlar var.
Təbii ki, qış vaxtı yaylağa çıxmağın səbəbi olmamış deyil. Rəfiyevin məzuniyyətdə olması xaricə yollanmasıyla bağlıdı. Menecer-prezident qazanc dalınca gedib.
Riad bəy AFFA-dakı himayədarlarının sayəsində həm qazanmaq, həm də qazandırmaq niyyətindədi. Milli komanda üçün növbəti əcnəbi baş məşqçini gətirmək milyonlara sahib olmaq deməkdi. Robert Prosineçkinin arxasınca sürünmək, onun dilindən müxtəlif açıqlamalar almaq da buna hesablanıb.
AFFA rəhbərliyinin əcnəbi sevdası səbəbsiz deyil. Hamı bilir ki, futbolçularımızın böyük potensialı yoxdu və onlarla kimin rəhbərlik etməsi böyük ölçüdə heç nəyi dəyişmir. Amma yenə də bizim başbilənlər legioner sevdasından vaz keçmir. Çünki…
Əvvəla, əcnəbi məşqçi gətirmək böyük məbləğli müqavilə deməkdi. Və həmin müqavilənin dəyərinin ən azı 10 faizi miqdarında menecer haqqı ödənilir. Deyək ki, Prosineçkinin tələb etdiyi 2,5-3 milyon avro ödənildi, onunla müqavilə imzalandı. Belədə Rəfiyev 250-300 min avronu birdəfəyə qatlayacaq. Əsas komandanın əvvəlki baş məşqçilərini yada salmayaq, hazırda ölkəmizdə çalışan Miloş Velebit, Milan Obradoviç və artıq yola salınan Nikola Yurçeviç məhz bu üsulla gətirilmişdi. Və menecer haqqı hələ aysberqin görünən tərəfidi.
Prosineçkinin son uğursuzluqları onun dəyərini aşağı saldı. Bu səbəbdən xorvatın ölkəmizdə işlədiyi dönəmlə müqayisədə 2 qat artıq maaş istəməsi təəccüblüdü. Onun Bosniyada çox kiçik məbləğə işləməsini də yada salsaq, ümumiyyətlə, nonsensdi. Lakin Azərbaycanda fərqlidi – dövlətin pulunu dağıdanlar onlardan heç kimin hesabat istəməyəcəyini bilir.
Məsələn, Prosineçki 2 milyona işləməyə razıdı, bizimkilər isə ona bu pulu vermir. Və Rəfiyev məzuniyyət götürüb, xaricə gedir, birdən aydınlaşır ki, Robert millimizdə 3 milyon avroya işləməyə razılıq verib. Bu, necə olur? Çox sadə. Prosineçkiyə deyilir ki, sən 2 milyonunu alacaqsan, amma 3 milyona imza atacaqsan. Həm sən istəyən olur, həm biz istəyən. Daha əlavə 1 milyonun kimin cibinə axçasının sənə dəxli yoxdu. Beləcə Riad menecer haqqı kimi 300 min avronu götürür, həmin milyon isə himayədarların cibinə gedir.
Təbii ki, burada qanun pozuntusu olmur, hər şey rəsmi sənədlərlə tənzimlənir. Problem məşqçiyə dəyərindən artıq pulların verilməsində və heç kimin buna görə hesabat istəməməsindədi. Yurçeviç ayına 10 min avroya işləyəcək məşqçi idi, amma 1 milyonluq müqaviləyə imza atmışdı. Səviyyəsinə uyğun olaraq, cəmi bir xal qazandı. Kimsə ondan, onu gətirənlərdən hesabat istədimi? Əsla. Əksinə, onu gətirən adamlar yenə məşqçi axtarışına çıxıblar. Öz dəstələridi – biri gətirir, digəri yerbəyer edirir, lap başdakı da lazımi yerlərdən “OK” alır. Xərclənən dövlətin puludu, nəticələrin pisliyinə, futbolun məhv olmasına görə yalnız sıravi insanlar məyus olur. Hansı ki, həmin pullar məhz onların boğazından kəsilir.
Yuxarıda qeyd etdiklərimiz təqribi məbləğlərdi, az da ola bilər, çox da. Amma proses bundan ibarətdi, bu insanlar kreslolarından ona görə möhkəm yapışıblar. Futbol sadə azarkeşlərdən başqa heç kimə lazım deyil.
FƏRİD
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”