Premyer-liqa
Klubların mükafat bölgüsü
Topaz Premyer Liqasında mübarizə aparan hər bir klub futbol&cc…
Topaz Premyer Liqasında mübarizə aparan hər bir klub futbolçularını sevindirir. Təbii ki, burada söhbət komandaya pul mükafatının verilməsindən gedir. Lakin hər komanda öz futbolçularını müxtəlif qaydada mükafatlandırır.
Futbolinfo.az xəbər verir ki, bəzi klublar qələbədən sonra, bəziləri isə mövsümün sonunda “zəhmətkeşləri təltif edir”. Biz də hansı klubun futbolçularını necə mükafatlandırmasını öyrənmək üçün kiçik bir araşdırma apardıq. Bu araşdırmaya səbəb isə “Neftçi” və “Xəzər Lənkəran” rəsmilərinin son günlər maraqlı fikir səsləndirməsi oldu. Çünki futbolçulara hər qələbədən sonra başgicəlləndirici paralar verdiyi deyilən əzəli rəqiblərin rəsmiləri bu iddiaları rədd edir. Həm “Neftçi”nin prezidenti Sadıq Sadıqov, həm də “Xəzər Lənkəran”ın vitse-prezidenti Tuyqun Nadirov son açıqlamalarında futbolçuları konkret oyunlar görə deyil, mövsümi qələbələrə görə mükafatlandırdıqlarını bildirib. İnandırıcı olmasa da…
Başlayaq "Neftçi"dən… Bakı təmsilçisinin rəsmilərinə inansaq, klub mövsüm başlayandan heç kimə mükafat verməyib. "Ağ-qaralar" futbolçularını yalnız çempion olacağı və kubok qazanacağı təqdirdə sevindirəcək. Artıq bir neçə mövsümdü "İnter"i futbolçulara bu yolla mükafat verir. Yalnız mövsüm sonunda çempionluq və qazanılan kubok əsasında "bankirlər" mükafat alır. Bu sistemlə mükafatlandırılan klublar siyahısına "Xəzər Lənkəran" da daxildi. Lənkəran təmsilçisi də öz futbolçularını mövsümün sonunda sevindirir. Ancaq bizdə olan bilgiyə görə, təkcə Superkubokdakı qələbə üçün komanda 600 min dollar mükafat alıb.
Yuxarıda sadalananlardan fərqli olaraq digər klublar mükafatı hər oyuna görə təyin təyin edir. "Qəbələ" hər oyunda qazanılan qələbəyə görə futbolçuları sevindirir. Həm də bu əyalət klubunda mükafatın məbləği bəzən digər klubların aylıq xərclərindən çox olur. “Bakı” da işini eyni üsulla görür. "Rəvan", AZAL və “Simurq” da eyni tipli mükafat verən klublar sırasına daxildi. Hər 3 elita təmsilçisi hər qələbədən sonra futbolçularını sevindirir. Rəqibin səviyyəsindən asılı olaraq, pul mükafatı dəyişir.
"Sumqayıt" isə öz standartları ilə mükafat verir. Belə ki, mükafatın məbləği mövsümün əvvəlindən müəyyən olunur və mövsüm ərzində qazanılan hər qələbəyə əvvəlcədən təyin olunmuş məbləğdə pul mükafatı verilir. “Qarabağ”da da qələbənin dəyəri rəqibin səviyyəsindən və oyunların kimin meydanında keçirilməsindən asılı olaraq dəyişir.
FƏRİD