“Valensiya” komandasının baş məşqçisi Pedro Martines basketbol üzrə Avroliqada “ən yaxşı” seçilib. Turnirin mətbuat xidmətinin bildirdiyinə görə o, mövsümün ən yaxşı məşqçisinə verilən Aleksandr Qomelski mükafatını qazanıb.
İspan məşqçinin rəhbərliyi altında “Valensiya” Avroliqada ilk mövsümündə 25 qələbə qazanıb və müntəzəm çempionatda ikinci yeri tutub. Pley-off mərhələsində komanda “Panatinaikos” və “Monako” arasında keçirilən pley-in cütlüyünün qalibi ilə qarşılaşacaq.
Martines tarixdə həm Avroliqada, həm də avrokubokda ən yaxşı məşqçi mükafatını qazanan ilk məşqçi olub.
