Komanda daxilində son münaqişələrdən sonra “Real” daxilində gərginlik davam edir.
“Mundo Deportivo”nun məlumatına görə, bəzi oyunçular Vinisius Juniorun baş məşqçi Alvaro Arbeloaya məlumat ötürdüyündən şübhələnirlər. Bu cür söhbətlər braziliyalı futbolçunun komandanın baş məşqçisi ilə yaxın münasibətlərindən qaynaqlanır.
Bəzi oyunçular hesab edirlər ki, məşqçilər heyəti daxili söhbətlər və komandanın əhval-ruhiyyəsi barədə məlumatı məhz Vinisius vasitəsilə öyrənib. Bu fonda bir neçə oyunçu ilə braziliyalı arasında münasibətlər daha da gərginləşib.
Bundan əlavə, oyunçunun klubdakı gələcəyi də müzakirə olunur. Vinisiusun Madrid klubu ilə hazırkı müqaviləsi gələn yay bitir, lakin tərəflər hələlik yeni müqaviləni rəsmi olaraq açıqlamayıblar.
