İspaniya millisinin keçmiş hücumçusu David Vilya mundialın qrup mərhələsinin ilk oyununda Kabo Verde ilə 0:0 hesablı heç-heçədən sonra baş məşqçi Luis de la Fuentenin milli komandadakı perspektivləri barədə danışıb.
“O, əla məşqçidir, bunu sübut edib – milli komanda ilə Avropa çempionudur. Bundan əlavə, onun əla heyəti var. O, bütün oyunçuları uzun müddətdir tanıyır və bu, onun ən güclü tərəflərindən biridir. Luis uzun müddətdir ki, bu uşaqları məşq etdirərək gənc oyunçularla işləyir. De la Fuente bizə lazım olan məşqçidir və bizi şöhrətə apara biləcək şəxsdir”, – deyə “Mundo Deportivo” Vilyanın sözlərini sitat gətirir.
De la Fuente 2023-cü ilin yanvar ayından bəri İspaniya milli komandasını çalışdırır. Onun hazırkı müqaviləsi 2028-ci ilin yayına qədərdir. “La Furia Roja” ilə de la Fuente 2023-cü il Millətlər Liqasının və 2024-cü il Avro çempionatının qalibi olub. Bundan əlavə, 64 yaşlı bask məşqçisinin rəhbərliyi altında İspaniya 2025-ci il Millətlər Liqasının finalına yüksəlib.
Komandanın növbəti oyunu iyunun 21-də Səudiyyə Ərəbistanına qarşı olacaq.
