Dördqat dünya çempionu Maks Ferstappen “Red Bull” ilə müqaviləsini 2030-cu ilin sonuna qədər uzadıb.
Əvvəlki müqavilə 2028-ci ilin sonuna qədər qüvvədə idi. Lakin müqavilədə Ferstappenə müəyyən şərtlər daxilində 2026-cı ilin sonunda komandadan ayrılmaq imkanı verən bəndlər vardı. Bu səbəbdən son aylarda onun başqa komandaya, xüsusilə də “Mercedes” və “Maklaren”ə keçə biləcəyi barədə çoxsaylı xəbərlər yayılmışdı.
Yeni müqavilə ilə 28 yaşlı niderlandlı pilot 2026-cı ildə qüvvəyə minən yeni texniki reqlament dövrünün sonuna qədər “Red Bull”da qalacaq. Bu, həmçinin “Red Bull”un yeni nəsil güc qurğuları layihəsinə Ferstappenə uzunmüddətli etibar etdiyini göstərir.
Beləliklə, son aylarda Ferstappenin gələcəyi ilə bağlı gedən “Red Bull, yoxsa başqa komanda?” müzakirələrinə rəsmən son qoyuldu.