“Araz-Naxçıvan”ın sabiq qapıçısı Kristian Avramın yeni klubu məlum olub.
Futbolinfo.az xəbər verir ki, 32 yaşlı qolkiper kareyrasını Albaniyada davam etdirəcək.
O, “Vlajniya” ilə 2 illik müqavilə bağlayıb. Bu barədə klubun mətbuat xidməti məlumat yayıb.
Avram “Araz-Naxçıvan”dan ayrıldıqdan sonra – bu ilin iyun ayında “Petrokub”a keçsə də, Moldova klubundan erkən ayrılıb.
Qeyd edək ki, Moldova millisinin üzvü 2023-cü ildən bu ilin yayına qədər “Araz-Naxçıvan”da çıxış edib.