Rusiyanın “Zenit” klubununyarımmüdafiəçisi Du Keyros icarə əsasında Azərbaycanın “Sabah” klubuna keçib.
Futbolinfo.az xəbər verir ki, bu barədə “Sport-Express” məlumat yayıb.
“Sabah” braziliyalı oyunçunu icarəyə götürüb. Klubların tezliklə bu keçidi rəsmən açıqlaması gözlənilir.
Du Keyros peşəkar karyerasına “Korintians”da başlayıb. O, 2023-cü ildən “Zenit”dədir. Yarımmüdafiəçi bu müddətdə Braziliyaya qayıdaraq “Qremio” və “Sport Resifi”də icarədə olub.
26 yaşlı braziliyalı futbolçu ötən mövsümü “Orenburq”da icarə əsasında keçirib. O, bütün turnirlərdə 29 oyun keçirib, 2 qol vurub və 4 məhsuldar ötürmə edib.