AFFA-nın növbəti yanlışı: sabah təyinat günüdü

Sabah milli komandamızın yeni baş məşqçisi müəyyənlənləşməlidi. AFFA İcraiyyə Komitəsinin videokonfrans formatında müzakirələrinin sonunda təyinatın reallaşması mümkündü.

Qurumun mətbuat xidməti gündəliyə namizədlərin müzakirəsi məsələsinin daxil edildiyini bildirib. Lakin bizdə olan bilgiyə görə, söhbət yalnız müzakirə etməkdən getmir, həm də təyinat reallaşmalıdı.

Hazırda milli komandamıza əsas namizəd Canni de Byazidi. İtaliyalı mütəxəssisin artıq ölkəmizdə olduğu deyilir. Roy Kin Azərbaycanda qalıb işləmək istəmədiyindən AFFA illərdi gətirmək istədiyi de Byazi planını nəhayət, sona yetirir.

İndi maraqlı olan italiyalının qarşısına hansı vəzifə qoyulacağı və onun özünün nə vəd edəcəyidi. Qarşıdan Millətlər Liqasının oyunları gəlir və yeni baş məşçinin tələsik seçilməsinə səbəb məhz həmin turnirdi. İtaliyalı qrupdan çıxmağı vəd etməyəcəyi və buna nail olmayacağı təqdirdə onun təyinatı zaman və maliyyə itkisi olacaq.

AFFA yerli məşqçilərdən tək namizəd kimi Arif Əsədovun adını göstərib. Hazırda millidə köməkçi işləyən bu mütəxəssis hazırkı şəraitdə de Byazidən daha münasib namizəddi, futbolçuların potensialına yaxşı bələd olduğumdan əcnəbiylə müqayisədə təyinatı daha məqsədəuyğun olardı. Amma fərq ondadı ki, azərbaycanlıdı, AFFA-dakıların isə yerlilərə nifrəti var, onlar yalnız əcnəbiləri sevir, milyonları ölkədən çıxarmağı hobbiyə çeviriblər.

İstənilən halda, hakim qüvvələr “yuxarılar”ı inandırmağa yenə nail olub. Sabah növbəti yanlış addım atılacaq və 1-2 il ərzində tənqid olunacaq əcnəbi məşqçinin arxasında kölgələnəcəklər.