Müsahibə
Aleksandr Kristavao: “Hər şey barədə kluba mütəmadi məlumat verirdim”
“Keşlə”nin sabiq futbolçusu Aleksandr Kristavaonun futbolinfo.az saytına müsahibəsi
- “Keşlə” ilə aranızda nələr baş verdi. Klubu tərk edib getsən də, adın iştirak ərizəsində qalır…
- Mən “Keşlə”ni tərk etməmişəm. 2020-ci ilin avqust ayının sonunda milli komandalara görə yaranan fasilədə pasportumu almaq üçün Niderlanda getdim. Yalnız 5 gün lazım idi. Pasportumla bağlı klubla fevraldan bəri əlaqə saxladım. Bu məsələdə onlar məni dəstəkləyirdi. Hər şey barədə kluba mütəmadi məlumat verirdim. Pasportumu almaq üçün növbəti dəfə Niderlanda getdiyim an mənə birtərəfli qaydada müqaviləmin pozulması haqqında məktub göndərdilər. Orada geri dönməyimin lazım olmadığını bildirdilər.
- Müqavilən nə zaman bitir?
- 2021-ci ilin may ayında başa çatacaq. Sonuncu dəfə 1 illik anlaşma imzalamışdıq.
- Klubla əvvəlcədən hər hansı problem var idi?
- Mənim heç zaman heç kəslə problemim olmayıb. Klubla nə bir gərginlik, nə də bir problem yaşamışdıq.
- Maaşını ala bilmirsən?
- “Keşlə”dən mənə heç bir pul ödənməyib. Maaşlarımı görməmişəm.
- Nə qədər məbləğ verilməlidir?
- 1 illik müqaviləm üçün nəzərdə tutulan məbləğ ödənməyib.
- FIFA-ya şikayət etdin?
- Bəli, FIFA-ya bu barədə şikayət etdim. Onların qərarını gözləyirəm. Ali futbol qurumu mənim xeyrimə qərar çıxarmalıdır. Müqaviləmdə nəzərdə tutulan bütün ödənişlər olunmalıdır. Hazırda vəkilim vasitəsi ilə FIFA ilə danışırıq və qərarı gözləyirik.
CAVAD