Dünya futbolu
Alkaras bu il üçün arzularını açıqladı
“Böyük dəbilqə” seriyalı turnirlərin ikiqat qalibi Karlos Alkaras, bu il onun üçün nəyin daha vacib olduğunu dilə gətirib.
“2024-cü il üçün məqsədim? Daha bir “Böyük dəbilqə” seriyalı turnirdə çempion olmaq və Olimpiadada medal qazanmaq. Lakin seçim etməli olsam, Olimpiya oyunlarında qızıl medala üstünlük verərdim”, – deyə ispan tennisçi Eurosport kanalına müsahibəsi zamanı qeyd edib.
Qeyd edək ki, Parisdə tək yarışlardan başqa, Karlos Rafael Nadalla birlikdə duetdə də çıxış etməyi arzu edir.
Bu il, Karlos ötən ildən fərqli olaraq “Australian Open”dən əvvəl keçirilən kiçik turnirlərdən imtina edib. Onun ilk görüşü Melburnda olacaq. Karlos kimi Yannik Sinner və Daniil Medvedev də eyni qrafikə üstünlük veriblər.