Müsahibə
Araz Abdullayev koronavirusa yoluxubmuş: “Türkiyəyə gəlməklə düzgün addım atmışam”
Türkiyə Birinci Liqa təmsilçisi “Boluspor”un və Azərbaycan yığmasının üzvü Araz Abdullayevin futbolinfo.az-a müsahibəsi
– “Boluspor”da az şans qazanmağına səbəb nədir?
– Əvvəl az şans qazansam da, son həftələrdə vəziyyət dəyişib. Son həftələrdə yenidən məşqçi şans verməyə başlayıb və mən də ümidləri doğrultmağa çalışıram.
– Adaptasiya prosesini rahat keçdin?
– Adaptasiyayla bağlı bir problem yoxdur. Bura tam öyrəşmişəm. Sadəcə, formaya düşdüyüm vaxt koronavirusa yoluxdum və 2 dəfə testim pozitiv çıxdı. Bir az da şansızlıq kimi oldu, ancaq şükür ki, yenidən toparlanıram.
– Bir neçə ölkədə legioner həyatı yaşamısan. Ölkə xaricində oynamaq çətinlik yaratmır?
– Bəli, legioner həyatını sevirəm, çünki ölkə xaricində uğurlu olduğun zaman klub da, ölkəndə olan azarkeşlər də səninlə qurur duyur. Mən də bunun üçün çalışıram. Əlbəttə, öz ölkəndə yaşamaq daha rahatdır, ancaq Turkiyə bizim qardaş ölkədir və özümü burada yad hiss etmirəm.
– Azərbaycan çempionatın izləyirsən?
– Bəli, öz çempionatımızla da maraqlanıram. Hazırda maraqlı mübarizə gedir. Həmişə dediyim kimi: üstün olan qazansın. Hazırda daha yaxşı liqalarda oynamaq üçün çalışıram, üzərimdə işləyirəm. Düşünürəm ki, Türkiyəyə gəlməklə düzgün addım atmışam.
– Azərbaycandan təkliflər var?
– Dostlarımın bəzi təklifləri var idi. Amma ölkəmi və öz karyeramı düşündüyüm üçün bura üz tutdum.
– Səncə, Azərbaycan çempionu kim olacaq?
– Çempionun kim olacağını indiki durumda söyləmək bir qədər çətin və tezdir. Daha istəkli “Neftçi” və təcrübəli “Qarabağ” görünür. Bu iki klubda dostlarım var. Kim daha çox layiqdirsə, o da çempion olsun.
– Millidən dəvət gözləyirsən?
– Milliyə hər birimiz hər zaman dəvət gözləməliyik. Ən azından o bayraq üçün layiqli mübarizə aparmalıyıq.
FƏRİD
- Premyer-liqa2024-05-04 21:21
“Neftçi” “Qarabağ”a böyük hesabla uduzdu
- Premyer-liqa2024-05-04 18:23
“Kəpəz”dən “Sumqayıt”la əzmkar heç-heçə
- Milli komanda2024-05-04 15:39
Millimiz UEFA İnkişaf Turnirində ikinci oyununda da uduzdu
- Premyer-liqa2024-05-04 18:59
Samir Abasov: “Bu, “Qarabağ”la matçdakı yorğunluqdan irəli gələ bilər” – VİDEO