Digər idman növləri
“Australian Open”in püşkü atıldı
Bu gün səhər Melburnda “Australian Open”in püşkü atılıb. Məlum olduğu kimi turnir “Böyük dəbilqə” seriyasını açır. Bu səbəbdən də tennis ictimaiyyətinin diqqəti məhz bu yarışa yönəlib.
Dünya reytinqinin ilk 2 tennisçisi ənənəvi olaraq fərqli tərəflərdə yer alıblar. Bunlar Novak Cokoviç və Karlos Alkarasdır.
Serbiyalı tennisçinin titula gedən yolu belə olmalıdır: Birinci raundda onun rəqibi təsnifatdan gələn tennisçi olacaq. İkincidə Aleksey Popırin, üçüncüdə Tomas Martin Etçeverri (reytinq sıralamasının 30-cu yeri), dördüncüdə Ben Şelton (16), 1/4 finalda Stefanos Tsitsipasın (7) olma ehtimalı var. Yarımfinalda Novak Yannik Sinnerlə (4) qarşılaşmalıdır. Alkarasın təxmini yolu belədir: birinci raund – Rişar Qaske, ikinci – Daniel Evans, üçüncü – Aleksandr Bublik (31), dördüncü – Tommi Pol (14), 1/4 final – Aleksandr Zverev (6), yarımfinal – Daniil Medvedev (3).
Qadınların tək yarışında potensial 1/4 finallar belə görünür:
İqa Svyontek (Polşa, 1) – Marketa Vondrousova (Çexiya, 7);
Yelena Rıbakina (Qazaxıstan, 3) – Cessika Pequla (ABŞ, 5);
Mariya Sakkari (Yunanıstan, 8) – Kori Qauff (ABŞ, 4);
Ons Jaber (Tunis, 6) – Arina Sabalenka (Belarus, 2).
Əlavə edək ki, keçən il turnirdə Novak Cokoviç və Arina Sabalenka qalib olmuşdular.
- Müsahibə2024-04-18 08:00
Rezabala avrokuboka vəsiqə istəyir: “Səhv etməyə ixtiyarımız yoxdur”
- Ölkə futbolu2024-04-19 21:00
“Sumqayıt” avrokubok iddiasını davam etdirir
- Ölkə futbolu2024-04-19 08:52
Yüksək əmsal “Qarabağ”a əlavə üstünlük verir
- Premyer-liqa2024-04-19 18:26
“Turan Tovuz” “Sumqayıt”a böyük hesabla məğlub oldu