Digər idman növləri
Azərbaycan avarçəkənlərindən Prezident kubokunda 14 medal
Ümummilli Lider Heydər Əliyevin anadan olmasının 100 illik yubileyinə həsr edilən “Prezident kuboku-2023” beynəlxalq reqatasında yarışlara yekun vurulub.
Futbolinfo.az xəbər verir ki, Mingəçevirdəki “Kür” Olimpiya Tədris-İdman Mərkəzində baş tutan son gündə Azərbaycan idmançıları 5 medal qazanıblar.
2009-2010-cu il təvəllüdlü oğlanların mübarizəsində Vacib Babayev və Nihad Rəhimov cütlüyü iki nəfərlik kayakla 200 metr məsafəyə yürüşdə bütün rəqiblərini qabaqlayıb. Sahib Əyyubzadə – Nuran Rəhimli dueti üçüncü olub.
2005-2006-cı il təvəllüdlü oğlanların 2 nəfərlik kayakla eyni məsafəyə yarışında isə Maarif Qarayev – Rüfət Rəhimov cütlüyü ikinci, Emil Allahverdiyev – Amil Süleymanov dueti üçüncü yeri tutublar.
Nəhayət, akademik avarçəkmə üzrə 1 nəfərlik qayıqla 1000 metr məsafəyə yürüşdə Tunar Cəfərli fəxri kürsünün üçüncü pilləsinə qalxıb.
Beləliklə, Azərbaycan avarçəkənləri “Prezident Kuboku-2023” beynəlxalq reqatasını 14 medalla (2 qızıl, 3 gümüş, 9 bürünc) başa vurublar.
“Prezident kuboku-2023”
Oğlanlar (2007-2008)
Bir nəfərlik kayak (200 m)
- Muhammet Emin Sulak
- Volodimir Narayevski (Ukrayna)
- Edqars Bitmanis
Oğlanlar (2007-2008)
Bir nəfərlik kanoe (200 m)
- Giorgi Ekaladze (Gürcüstan)
- Kaan Ahmedov (Bolqarıstan)
- Saveli Lijin (Qazaxıstan)
Qızlar (2007-2008)
İki nəfərlik kayak (200 m)
- Özge Naz Yıldız – İşılsu Karvan (Türkiyə)
Oğlanlar (2005-2006)
İki nəfərlik kayak (200 m)
- Nikolao Diakakis – Konstantinos Metaksas (Yunanıstan)
- Maarif Qarayev – Rüfət Rəhimov (Azərbaycan)
- Emil Allahverdiyev – Amil Süleymanov (Azərbaycan)
Oğlanlar (2009-2010)
İki nəfərlik kayak (200 m)
- Vacib Babayev – Nihad Rəhimov (Azərbaycan)
- Maksim Mençinski – Aleksander Sivinski (Polşa)
- Sahib Əyyubzadə – Nuran Rəhimli (Azərbaycan)
Oğlanlar (2007-2008)
Akademik avarçəkmə üzrə 2 nəfərlik qayıq (1500 m)
- Yovan Marinkoviç – Oqnyen Dobriç (Serbiya)
- Emir Senpolat – Mustafa Efe Kınalı (Türkiyə)
- Camalbek Turqunov – Savlat Musoyev (Özbəkistan)
Oğlanlar (2009-2010)
Akademik avarçəkmə üzrə 1 nəfərlik qayıq (1000 m)
- Nikoloz Yordanişvili (Gürcüstan)
- Giorgi Kapanadze (Gürcüstan)
- Tunar Cəfərli (Azərbaycan)
Oğlanlar (2005-2006)
Bir nəfərlik kayak (1000 m)
- Denis Mençinski (Polşa)
- Ali Kemal Sarar (Türkiyə)
- Nika Odişelidze (Gürcüstan)
Oğlanlar (2005-2006)
Bir nəfərlik kanoe (1000 m)
- Sezar Amari (Moldova)
Qızlar (2005-2006)
Bir nəfərlik kayak (1000 m)
- Evrim Bostancı (Türkiyə)
Oğlanlar (2009-2010)
Akademik avarçəkmə üzrə 2 nəfərlik qayıq (1000 m)
- Nikoloz Yordanişvili – Giorgi Kapanadze (Gürcüstan)
Oğlanlar (2005-2006)
İki nəfərlik kayak (1000 m)
- Nikolao Diakakis – Konstantinos Metaksas (Yunanıstan)
Oğlanlar (2007-2008)
İki nəfərlik kayak (200 m)
- Muhammet Emin Sulak – Rahmi Kaan Karahan (Türkiyə)
- Tristan Tiginaşvili – Sandro Tezelaşvili (Gürcüstan)
- Edqars Bitmanis – Oskars Paymetovs (Latviya)
Oğlanlar (2005-2006)
Akademik avarçəkmə üzrə 2 nəfərlik qayıq (2000 m)
- Davit Laşkareyşvili – Luka Urtaşvili (Gürcüstan)
- İsrofil Saidmuradov – Umidcan Saidmuradov (Özbəkistan)
- Onur Sönmez – Barias Bali (Türkiyə)
Qeyd: Finalda 3 və ya 2 iştirakçı varsa, ancaq 1-ci yer təltif edilir.
Xatırladaq ki, reqataya mayın 4-də Suqovuşanda start verilib. Yarışda 20-dək ölkədən avarçəkmənin akademik, kayak və kanoe növlərində 100-dən çox yerli və xarici idmançı qüvvəsini sınayıb. Mükafatlandırma və bağlanış mərasimi mayın 7-də Bakıda keçiriləcək.