Digər idman növləri
Azərbaycan yığması Kosovoya da uduzdu
20 yaşadək basketbolçulardan ibarət Azərbaycan millisi Şimali Makedoniyanın Skopye şəhərində təşkil olunan Avropa çempionatında bu gün növbəti oyununu keçirib.
Futbolinfo.az xəbər verir ki, yığmamız B Divizionunun C qrupunda Kosovo kollektivi ilə üz-üzə gəlib.
Qarşılaşma Azərbaycan basketbolçuları üçün uğursuz alınıb. Komandamız 71:75 hesabıyla məğlub olub.
Azərbaycan komandası əvvəlki matçlarda Ukrayna və İsveçə də məğlub olmuşdu.
Millimizin qrupda sonuncu oyunu sabah Bakı vaxtı ilə saat 21:00-da Gürcüstan seçməsinə qarşı olacaq.