Digər
“Axundovlar sarayı” kimə tapşırılacaq?
Bakı İdman Sarayının direktoru Cəlalət Kazımova vəzifədən azad olunub. Bu barədə gənclər və idman naziri Fərid Qayıbov əmr imzalayıb. Nazirliyin mətbuat xidmətinin rəhbəri Qabil Mehdiyev Kazımovanın öz ərizəsi ilə işdən azad olunduğunu bildirib.
Cəlalət Kazımova AFFA İcraiyyə Komitəsinin üzvü, Azərbaycan Futzal Federasiyasının prezidenti və “Keşlə” Futbol Klubunun Müşahidə Şurasının sədri Zaur Axundovun anasıdır. Maraqlıdır ki, 1974-cü ildə inşa olunan bu qurğu 47 ildi bir ailənin sərəncamındadı. Bakı İdman Sarayına (əvvəlki adı Əl Oyunları Sarayı – red.) inşa olunduğu vaxtdan Zaur bəyin atası Asif Axundov, daha sonra isə anası Cəlalət Kazımova rəhbərlik edib.
Xəzər dənizi sahilindəki Bakı Bulvarının ətrafında yerləşən Bakı İdman Sarayında indiyədək həndbol, badminton, cüdo, futzal, güləş, stolüstü tennis, taekvondo və voleybol növlərində ölkədaxili və beynəlxalq yarışlar keçirilib. Arenada nüfuzlu yarışlardan güləş üzrə Qızıl Qran-Pri turniri, Bakı-2015 I Avropa Oyunları və Bakı-2017 IV-cü İslam Həmrəyliyi Oyunları təşkil olunub. Zaur bəyin rəhbərlik etdiyi Futzal Federasiyası da bütün yarışları bu qurğuda təşkil edirdi.
İndi bu qurğuya kimin direktor təyin ediləcəyi maraqla gözlənilir. Ailə mülkünə çevrilmiş dövlət obyekti bu dəfə Zaur bəyə tapşırılsa, təəccüblənmərik.
- Premyer-liqa2024-05-04 21:21
“Neftçi” “Qarabağ”a böyük hesabla uduzdu
- Premyer-liqa2024-05-05 20:57
“Sabah”dan növbəti qələbə
- Digər idman növləri2024-05-05 16:22
“Bakı Marafonu 2024” qalibləri müəyyənləşdi
- Premyer-liqa2024-05-04 18:59
Samir Abasov: “Bu, “Qarabağ”la matçdakı yorğunluqdan irəli gələ bilər” – VİDEO