Dünya futbolu
“Bavariya” – “Sevilya” matçına nə qədər bilet satılıb? – UEFA açıqladı
UEFA Super Kubokunda Almaniya “Bavariya”sı ilə İspaniya “Sevilya”sı arasında bu gün keçiriləcək matçı stadiondan izləyəcək azarkeşlərin sayı məlum olub.
Futbolinfo.az xəbər verir ki, Macarıstanın paytaxtı Budapeştdəki 60 min tamaşaçı tutumuna malik “Ferents Puşkaş” stadionunda oynanılacaq qarşılaşma üçün 15 500 bilet satılıb.
Bu barədə UEFA-nın rəsmi saytı məlumat yayıb. Qitə futbol qurumu oyun zamanı azarkeşlərin riayət etməli olduqları təhlükəsizlik qaydalarını da açıqlayıb. Fanatlar 1,5 metrlik sosial məsafəni qorumalı, stadiona daxil olduqdan sonra bunu etmək mümkün olmadıqda qoruyucu maskadan istifadə etməlidirlər. Həmçinin turniketlərdə, liftlərdə, pilləkənlərdə və sanitar qovşaqlarda xüsusi işarələnmiş xətlərdə dayanmaq, məhdud sahələr üçün maksimum doluluq nisbətinə uyğun davranmaq lazımdır.
Qeyd edək ki, “Bavariya” – “Sevilya” oyununa Bakı vaxtı ilə saat 23:00-da start veriləcək.
- Milli komanda2024-05-01 18:44
Milli komandamızın baş məşqçi postuna əsas namizəd bəlli oldu
- I Liqa2024-05-01 11:25
I Liqada 24-cü turun təyinatları müəyyənləşdi
- Ölkə futbolu2024-05-02 08:00
Bir aylıq istirahətin şərəfinə… Balaşın ariyası
- Müsahibə2024-05-01 10:02
Vadim “Araz-Naxçıvan”ı fərqləndirir: “Psixoloji cəhətdən axsayırdıq”