Ölkə futbolu
“Bu durumu dəyişəcəyik”
“Qış fasiləsindən sonra 3 heç-heçəmiz və 1 məğlubiyyətimiz var. Amma bu durumu dəyişəcəyik” – bunu futbolinfo.az-a açıqlamasında “Qəbələ”nin hücumçusu Ülvi İsgəndərov deyib.
O, Misli Premyer Liqasındakı çıxışlarından danışıb: “Komandamıza inanıram. Növbəti turlarda qələbə qazanacağıq. Vəziyyətimizi daha da yaxşılaşdıracağıq. Düşünürəm ki, “Qəbələ” qarşıya qoyduğu hədəflərə çatacaq. Qarşıda “Sumqayıt”la oyunumuz var. Ümid edirəm ki, bu matçda qalib gələrik. Həmişə olduğu kimi meydana 3 xal üçün çıxacağıq”.
Forvard ötən tur “Neftçi” ilə heç-heçə elədikləri matçdan danışıb: “Çətin oyun idi. “Neftçi”nin heyətində səviyyəli futbolçular var. Hər iki tərəf qələbəyə layiq idi. Amma heç-heçə ədalətli nəticə oldu. Hərəyə 1 xal oyunun haqqı idi”.