Premyer-liqa
“Bu qərar “Qəbələ” üçün müsbət sayıla bilməz” – Zaur Əzizov
Azərbaycanda 2019/20 futbol mövsümü ləğv edildi və qərar alındı ki, sonuncu sırada qərarlaşan klub elitanı tərk etməsin. Buna qədər son pillədə yer almış “Qəbələ”nin qərarla bağlı mövqeyi necədi?
Futbolinfo.az xəbər verir ki, klubun baş meneceri Zaur Əzizov “FutbolPress”ə bunları söyləyib:
“Artıq bizim münasibətimizin elə bir əhəmiyyəti yoxdu, çünki qərar verilib. Bizim fikrimizə gəlincə, oynamağın tərəfdarı idik”.
Sonuncu yerin sahibi kimi “Qəbələ”nin Premyer Liqada qalması qərarı bəlkə də klub üçün yaxşıdı, ancaq komandanın əsas rəqibləri ilə xal fərqi elə də çox deyildi, hətta Avropa Liqasına iddiası var idi. Digər tərəfdən, “qırmızı-qaralar” ölkə kubokunda da mübarizəni davam etdirirdi. Əzizov sonuncunun düşməməsinin gözlənilən olduğunu, ümumilikdə qərarın “Qəbələ” üçün müsbət olmadığını bildirdi:
“Bizim üçün müsbət qərar sayıla bilməz. Oynamaq istəyirdik, mövsümlə bağlı fikirlərimiz var idi. Keçirilmirsə, bu barədə geniş danışmağın elə də mənası yoxdu. O ki qaldı sevindirici məqam kimi Premyer Liqadan heç bir klubun düşməməsinə, əslində, bu, gözlənilən idi. Müvafiq qərar verilən ölkələrin hamısında təxminən belə yanaşma olmuşdu. Hətta bəzi ölkələrdə bir yox, bir neçə mövsüm üçün heç kimin düməməsi qərarı verilib. Ona görə bizim üçün sevindirici yox, daha çox gözlənilən xəbər idi. Mövsüm vaxtından əvvəl başa çatdırılacağı təqdirdə heç kimin düşməyəcəyi təxminən bəlli idi”.
Paytaxtda və bəzi regionlarda həftəsonu qapanmaları olan dövrdə klubların Qəbələdə toplaşması və mövsümün orda davam etdirilməsi iddiası var idi. “Qəbələ” indi də klub olaraq bunun mümkün olduğu fikrindədi:
“Qəbələdə keçirmək olardı. Ola bilər ki, hansısa çətinliklər yaranardı, amma mümükün idi. Qərar veriləndən sonra danışmaq yersizdi. Öncədən geniş tərkibdə müzakirələr olsaydı, hansı çətinliklərin yarana biləcəyini daha dəqiq yarana bilər və s. İndiki halda, klub olaraq deyə bilərik ki, bizim üçün problem yox idi. Ancaq digər məsələləri danışmağa ehtiyac var idi”.
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-23 08:00
“Səbail” “Sabah”a uduzsa…
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”