Ölkə kuboku
“Bütün komponentlərdə rəqibi üstələdik” – Regekampf
“İstilik 120 dərəcəyə qalxır, bu cür hissiyyatı sevirəm”.
Futbolinfo.az xəbər verir ki, bunu “Neftçi”nin baş məşqçisi Laurentsiu Regekampf “Turan Tovuz”a 2:0 hesabı ilə qalib gəldikləri Azərbaycan Kubokunun yarımfinal mərhələsinin cavab oyunundan sonra mətbuat konfransında deyib.
İlk görüşdə Tovuzda 0:1 hesabı ilə məğlub olan “ağ-qaralar” doğma arenasında son dəqiqə qolları sayəsində finala yüksəlib.
Rumıniyalı mütəxəssis komandasının çıxışını dəyərləndirib: “İlk dəqiqədən sona kimi komandam futbol oynamağa çalışdıq. Bütün komponentlərdə rəqibi üstələdik. Yarımfinal idi, uduza da bilərdik. Çünki son 3-4 oyunda bizi bəxtsizlik bürüyüb. Kubok oyunları hər zaman fərqli olur. Final matçını doğma arenada keçirəcəyimiz üçün sevinirik. Kuboku qazanmaq üçün hər şeyi edəcəyik”.
O, rəqibin müdafiədə oturmasının komandasına çətinlik yaratdığını vurğulayıb: “Rəqib 6 futbolçu ilə müdafiə olunurdu, hər epizodda vaxt aparırdı, topu kənara vururdu. Belə məqamda başqa nə taktika düşünə bilərəm? İki dəfə top tirə dəydi. Bir az bəxtsizliklə üzləşdik. Cinah oyunçularını dəyişdik ki, cinahdan rəqibin müdafiə xəttini yaraq. Bu gün hər bir futbolçumuz bacardığını göstərməyə çalışdı”.
Rumıniyalı mütəxəssis sayılmayan erkən qolda hakimin səhvə yol verdiyini düşünür: “Kəpəz”lə matçda vurduğumuz qol epizodunda xətti fərqli çəkmişdilər. Bu gün də sayılmayan ilk qolu ofsayddan vurmadığımızı düşünürəm. Ömər Buludovun epizoduna cərimə zərbəsi təyin olunursa, Tovuzda da Saldanyanı meydanda harada gəldi vururdular”.
Regekampf avrokubok barədə danışmaq üçün hələ tez olduğunu düşünür: “Çünki hələ finalda oynamalıyıq. Bəzi oyunçularımız zədəlidir. Azər Əliyev, Ataa Caber yüz faiz hazır deyillər. Bütün diqqəti kubokun finalına və çempionat matçlarına yönəldəcəyik. Mövsüm bitdikdən sonra qarşıdakı mövsümün planları barədə danışacağıq. Komandanı daha da güclü etmək istəyirik”.
Baş məşqçi hücumçu Yeqor Boqomolskiyə bundan sonra daha çox şans verəcəyini söyləyib: “Yeqor Boqomolski gəncdir. İlk dəqiqələrdən meydanda olanda 10 km qaçır. Ona qarşı oynamaq çətindir, həmişə hərəkətdədir. Oyundan-oyuna daha yaxşı olacağına əminəm. Həm ona, həm də Saldanyaya bu rəqabət lazımdır. Saldanya istədiyimizi etmədikdə dərhal Yeqora şans veriləcək. Ümid edirəm ki, növbəti mövsüm ehtiyat skamyamızda da güclü oyunçular olacaq. Bəzən məşqə əvəzedici heyətdən 6-7 oyunçu cəlb edirik ki, say normal olsun. Belədə də inkişaf ləng gedir. Daha güclü olmaq üçün daha çox rəqabət olmalıdır. İstədiyimiz səviyyədə oynamayan futbolçu yanımda oturacaq”.
O, ölkə kubokunu qazanacaqlarından əmin danışıb: “Səbail” və “Qəbələ” fərqli komandalardır, müqayisə edə bilmərik. Rəqibin səndən zəif olduğunu düşünsən, məğlub olacaqsan. Finalı evdə oynayacağıq. Bir oyundan ibarət olacaq, hazır olmalıyıq. Finalda uduzmaq çox üzücüdür. Ağlımdan bu keçmir. Biz kuboku götürəcəyik”.
“Neftçi”yə qələbə çox yaxşı təsir edir, atmosfer yüksək olur. “Qarabağ”la mövsümün son oyunumuzda qələbə qazanmağa çalışacağıq. Ümid edirəm ki, komandanı istənilən səviyyəyə gətirə biləcəyəm. Döyüş olacaq, mübarizə olacaq. Hər iki komanda yaxşı oyunçularla futbol oynayacaq. Kim günündə olacaqsa, o da qalib gələcək”.
FƏRİD
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?