Milli komanda
Elvin həvəslənib: “Hər şey gözləmək olar”
Azərbaycan millisinin yarımmüdafiəçisi Elvin Camalovun futbolinfo.az-a müsahibəsi
– Milli komanda İsveç üzərində 3:0 hesablı qələbə qazandı. Bunu gözləyirdin?
– Doğrudan, çox sevindirici və gözəl qələbə oldu. Həmişə dediyim kimi, millinin formasında meydana çıxırsansa, rəqibin kimliyindən asılı olmayaraq qalibiyyətə köklənirsən. Dünənki matçdan öncə də qalibiyyəti düşünürdük. İnanırdıq ki, İsveçi məğlub edə bilərik. Azarkeşləri sevindirdiyimizə görə şadam.
– Amma azarkeşlər bu cür başlanğıcı və darmadağını gözləmirdi…
– Əlbəttə ki, bu qələbə özünəinam baxımından bizim üçün çox mühüm oldu. İnanıram ki, gələcəkdə azarkeşləri belə gözlənilməzliklərlə daha çox sevindirərik.
– Niyə qrup mərhələsinə bu cür başlaya bilmədik?
– Seçmə mərhələnin bütün oyunlarını bir oyunla müqayisə etmək olmaz. Hər bir qarşılaşma fərqlidir. Əvvəlki oyunlarda da yaxşı keçirdiyimiz vaxtlar olub. Məsələn, Belçika və Avstriya ilə ev oyunlarında yaxşı çıxış etsək də, qalib gələ bilmədik, xal qazanmağı bacarmadıq. Üstəlik, seçmə mərhələyə çox ağır iki oyunla başlamışdıq və təəssüf ki, hər ikisi səfərdə idi.
– Növbəti oyun Belçikaya qarşıdır. Yenə sürpriz etmək mümkündür?
– Mövzu milli komandadırsa, hər şey gözləmək olar. İstənilən halda, meydana çıxıb sona qədər döyüşürük. Sadəcə, onu deyə bilərəm ki, biz müsbət nəticə üçün hər şeyi edəcəyik. Sona qədər mübarizə aparacağıq. İnanıram ki, səfərdən xalla qayıdacağıq.
– Əvəllər yığmada daha çox oynamaq şansı qazanırdın. Son oyunlarda isə meydana əvəzetmədən daxil olursan. Səbəb nədir?
– Heyəti baş məşqçi müəyyənləşdirir və onun bütün qərarlarına hörmətlə yanaşıram. Mən futbolçuyam, işin şans veriləndə meydana çıxıb komandama kömək etməkdir. Şans verildikcə ən yaxşısını etməyə çalışacam.
– Azərbaycan yığması Qazaxıstan millisinin nəticəsindən asılı olaraq Millətlər Liqasında “Dördlər finalı”na qala və AÇ-2024-ə vəsiqə üçün şans qazana bilər. Səncə, əgər şansınız gətirsə, orda oynasanız, AÇ-yə vəsiqə əldə edə bilərsiz?
– İndi yalnız qarşıdakı Belçika ilə matçı düşünürük. Amma əlbəttə ki, əlimizə belə şans düşsə, çox gözəl olar və bundan istifadə etməyə çalışarıq.
ABBAS
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”
- Ölkə futbolu2024-04-23 08:00
“Səbail” “Sabah”a uduzsa…