“Fənərbağça” və “Real”dan növbəti qələbə

Basketbol üzrə Avroliqa turnirində 24-cü tura start verilib. İlk oyun günündə 5 qarşılaşma baş tutub.

“Fənərbağça” uğurlu oyunlar seriyasını davam etdirib. Türkiyə təmsilçisi səfərdə “Asvel” komandasını məğlubiyyətə uğradıb – 73:83. Oyuna yaxşı başlamasa da, fasilədən sonra qonaqlar üstünlüyü ələ alaraq dönüş yarada biliblər. İstanbul komandasının heyətində Skott Vilbekin 17 xal toplayıb. Fransa komandasının üzvü Skott isə görüşü 26 xalla tamamlayıb.

Belqradda “Srvena Zvezda” İspaniyanın “Valensiya” komandasını məğlubiyyətə uğradıb – 82:64. Görüşün ən məhsuldar basketbolçusu 27 xal toplayan Nedoviç olub.

Alman komandalarının oyunları məhsuldar alınıb. “Alba” Yunanıstanda “Olimpiakos”a 87:101 hesabı ilə məğlub olub. “Bayern” isə çətin qarşılaşmada “Baskoniya”ya qalib gəlib. Əsas vaxt bərabərliklə başa çatdığından, komandalar overtaym oynamaq məcburiyyətində qalıblar. Münhenlilər 112:109 hesablı qələbə ilə turnir cədvəlində vəziyyəti bir qədər yaxşılaşdırıblar. Alman komandasının ispan oyunçusu Serj İbaka görüşü 21 xalla tamamlayıb.

Günün son oyununda Madrid “Real”ı “Makkabi”ni 106:101 hesabı ilə məğlubiyyətə uğradıb.