Dünya futbolu
Keyn yığmadan ayrıldı
İngiltərə millisinin hücumçusu Harri Keyn Belçika ilə yoldaşlıq oyununda iştirak etməyəcək. Bu barədə İngiltərə millisinin baş məşqçisi Qaret Sautqeyt danışıb.
O, zədə səbəbindən Braziliya ilə dünənki oyunu (0:1) buraxan hücumçunun Belçika ilə matçda da iştirak etməyəcəyini və klubu “Bayern”ə qayıdacağını qeyd edib: “Keyn “Bayern”ə qayıdacaq. Çünki o, Belçika ilə oyuna qədər hazır olmayacaq”.
Forvard Bundesliqanın 26-cı turunun “Darmştadt”la matçında (2:5) topuğundan zədə alıb. Keynin bu həftə bəzi məşqləri buraxdığı bildirilir.
Qeyd edək ki, İngiltərə – Belçika görüşü martın 26-da keçiriləcək.