Müsahibə
Keyta “Qəbələ”nin uduzacağına ümid edir: “Transfer barədə düşünmürəm”
“Zirə”nin hücumçusu Hamidu Keytanın futbolinfo.az saytına müsahibəsi
– Son matçda “Sabah”la qolsuz heç-heçə etdiniz. Matçı necə dəyərləndirirsən?
– Dünən yaxşı oyun oldu. Biz qələbə qazana bilərdik, çünki qol vurmaq imkanlarımız oldu. Lakin məğlubiyyətlə də üzləşə bilərdik, rəqibin gücü bəllidir. Hər şey son oyuna qaldı.
– Bu matçda qalib gəlsəydiniz, 4-cü pilləyə şərik olacaqdınız. Şansın əldən şıxmasına görə çox məyus oldunuz?
– Əlbəttə ki, çox məyus olduq. Əslində, qol vurmaq üçün yaxşı şanslarımız var idi. Fürsətlərimiz çox idi, amma yararlana bilmədik.
– Artıq hər şey sizdən asılı deyil. “Zirə”nin avrokubok şansı “Qəbələ”nin əlindədir…
– Ümid edirəm ki, son turun ssenarisi bizim üçün əlverişli olacaq. 3 xalı qazanmaq üçün əlimizdən gələni edəcəyik. Ümid edirəm ki, “Qəbələ” uduzacaq. Futbolda hər şey mümkündür.
– Sonuncu matçda meydanda olmayacaqsan və bu, komandan üçün çox ciddi itkidir. Düşünürsən ki, yoxluğun komandana problemlər yaradacaq?
– Həqiqətən də bilmirəm ki, son 3-4 oyunda hakimlər niyə mənə bu qədər sarı vərəqə göstərdi. Mən vərəqə görməmək üçün hər şey edirəm. Düşünürəm ki, o vərəqələrə layiq deyildim. Hakimə deyəndə ki, bu fol deyil, o, çox danışdığım üçün “sarı” verir. Başa düşmədiyim şeylər oldu. İstənilən halda, komanda yoldaşlarım yoxluğumu hiss etdirməyəcək.
– Sənə təkliflər olduğu barədə xəbərlər var…
– Hazırda bütün diqqətim “Zirə”dədir və transferlə bağlı düşünmürəm. Burada 4-cü yeri tutmaq barədə fikirləşirik.
– Avrokuboklara gedə bilməsəniz, mövsümü uğursuz saymaq olar?
– Bəli, biz çox məyus olacağıq. Çünki normal düşünsək, avrokubok zonasında olmalıyıq. Yaxşı komandamız var və çempionatı 4-cü yerdə bitirməyə layiqik.
ABBAS
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”