Dünya futbolu
Kvaratsxeliya ilə yeni müqavilə olmayacaq
Xviça Kvaratsxeliya yeni müqavilə bağlamayacaq. “Napoli” gürcü hücumçusu ilə hazırkı anlaşma əsasında yola davam edəcək.
Futbolinfo.az xəbər verir ki, son günlər Xviçanın yeni müqavilə bağlayacağı, anlaşmasının müddətini daha iki il uzadacağı yönündə xəbərlər dolaşırdı. Söz-söhbət o qədər geniş vüsət alıb ki, Neapol klubu rəsmi açıqlama vermək məcburiyyətində qalıb.
Son İtaliya çempionunun rəsmi paylaşımında yazılıb: “Mediada Kvaratsxeliyanın yeni anlaşması ilə bağlı xəbərlər yayılır. Bunlar doğru deyil. Klubumuzdan heç kim gürcü futbolçu ilə yeni müqaviləni müzakirə etmədi. Mövcud sözləşmənin bitiminə hələ 4 il qalır və hansısa dəyişikliyə gərək yoxdur”.
22 yaşlı oyunçu “Napoli”yə ötən yay Batumi “Dinamo”sundan keçib. 13,3 milyon avroya transfer edilən gürcü 5 illik müqavilə imzalamışdı. Onun transferi dəyəri hazırda 85 milyon avro qoymətləndirilir.
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- Ölkə futbolu2024-04-29 20:00
“Baku Sportinq”dən növbəti darmadağın
- Dünya futbolu2024-04-29 18:32
Palladino iddialı komandadan dəvət gözləyir