“Lerik”in futbolçusuna ağır cəza

İntizam Komitəsinin iclası keçirilib.

Futbolinfo.az xəbər verir ki, iclasda Azərbaycan kubokunun 2-ci təsnifat mərhələsinin oyunları ilə bağlı aşağıdakı qərarlar qəbul edilib:

“Araz Saatlı” – “İrəvan” oyununda “Araz Saatlı” klubunun 4 futbolçusu sarı vərəqə aldığına görə “Araz Saatlı” klubu 70 manat cərimə edilib.

“Araz Saatlı” – “İrəvan” matçının oyunöncəsi iclasında “İrəvan” klubunun nümayəndəsi iştirak etmədiyinə görə “İrəvan” klubu 80 manat cərimə edilib.

“Araz Saatlı” – “İrəvan” oyununda PFL Əsasnaməsinin tələbi pozulduğuna görə “Araz Saatlı” klubu 50 manat cərimə edilib.

“Karvan” – “Difai Ağsu” oyununda “Difai Ağsu” klubunun 4 futbolçusu sarı vərəqə aldığına görə “Difai Ağsu” klubu 70 manat cərimə edilib.

“Karvan” – “Difai Ağsu” oyununun 69-cu dəqiqəsində “Difai Ağsu” klubunun 2 nömrəli futbolçusu Seymur Rəhimov ciddi qayda pozuntusuna görə birbaşa qırmızı vərəqə aldığı üçün 2 oyun cəzalanıb, “Difai Ağsu” klubu 150 manat cərimə edilib.

MOİK – “Cəbrayıl” oyununda “Cəbrayıl” klubunun 4 futbolçusu sarı vərəqə aldığına görə “Cəbrayıl” klubu 70 manat cərimə edilib.

“Kəpəz” – “Baku Sportinq” oyunun hər iki hissəsi “Baku Sportinq” komandasının meydançaya gec çıxması səbəbindən gec başladığına görə “Baku Sportinq” klubu 150 manat cərimə edilib.

“Kür-Araz” – “Araz-Naxçıvan” oyununda “Kür-Araz” klubunun 5 futbolçusu sarı vərəqə aldığına görə “Kür-Araz” klubu 70 manat cərimə edilib.

“Lerik” – “Sumqayıt” oyununun 23-cü dəqiqəsində “Lerik” klubunun 20 nömrəli futbolçusu Rahid Ağazadə təcavüzkar davranışa görə birbaşa qırmızı vərəqə aldığı və hadisə nəticəsində “Sumqayıt” klubunun 18 nömrəli futbolçusu Kristian Velinovski əmək qabiliyyətini bir neçə aylıq itirdiyi üçün, PFL Əsasnaməsinin müstəsna hallarda İntizam Komitəsinin qərarının bütün turnirlərə aid olmasını nəzərdə tutan 19-cu maddəsinin 8-ci bəndinə əsaslanaraq Rahid Ağazadə bütün turnirlər daxil olmaqla 6 oyun cəzalanıb, “Lerik” klubu 300 manat cərimə edilib.

“İmişli” – “Mingəçevir” oyununda “İmişli” klubunun 5 futbolçusu sarı vərəqə aldığına görə “İmişli” klubu 70 manat cərimə edilib.

“İmişli” – “Mingəçevir” oyununun 90+2-ci dəqiqəsində “Mingəçevir” klubunun 60 nömrəli futbolçusu Elmin Bayramov ikinci sarı vərəqədən qırmızı vərəqə aldığına görə 1 oyun cəzalanıb, “Mingəçevir” klubu 50 manat cərimə edilib.

“İmişli” – “Mingəçevir” oyununun 87-ci dəqiqəsində “İmişli” azarkeşləri tərəfindən pirotexniki vasitədən istifadə edildiyinə görə “İmişli” klubu 150 manat cərimə edilib.

“Zaqatala” – “Şamaxı” oyununda “Zaqatala” klubunun 4 futbolçusu sarı vərəqə aldığına görə “Zaqatala” klubu 70 manat cərimə edilib.

“Zaqatala” – “Şamaxı” oyunu bitdikdən sonra “Zaqatala” klubunun 8 nömrəli futbolçusu Roini İsmayılov ikinci sarıdan qırmızı vərəqə aldığına görə 1 oyun cəzalanıb, “Zaqatala” klubu 50 manat cərimə edilib.

“Zaqatala” – “Şamaxı” oyunu bitdikdən sonra “Zaqatala” klubunun 7 nömrəli futbolçusu Bəhruz Teymurov təcavüzkar davranışa (rəqibi vurmağa cəhd etdiyinə) görə birbaşa qırmızı vərəqə aldığı üçün 2 oyun cəzalanıb, “Zaqatala” klubu 200 manat cərimə edilib.

“Zaqatala” – “Şamaxı” oyununda “Şamaxı” klubunun 4 futbolçusu sarı vərəqə aldığına görə “Şamaxı” klubu 70 manat cərimə edilib.

“Zaqatala” – “Şamaxı” oyunu bitdikdən sonra “Şamaxı” klubunun 10 nömrəli futbolçusu Emin Zamanov ikinci sarıdan qırmızı vərəqə aldığına görə 1 oyun cəzalanıb, “Şamaxı” klubu 50 manat cərimə edilib.