Dünya futbolu
“Lids”də növbəti məşqçi dəyişikliyi – Ellerdays gəlir
“Lids” yenə baş məşqçisini dəyişmək istəyir. Ardıcıl uğursuz oyunlar rəhbərliyin səbrini daşınıb. Son 5 matçda cəmi 1 xal qazanılması, xüsusilə son turdakı darmadağın (1:4) klub başbilənlərini Xavi Qrasiyanı yola salmağa vadar edib.
Futbolinfo.az xəbər verir ki, dünən klubdaxili toplantı keçirilib. Yekun qərar açıqlanmasa da, məşqçinin yola salınması barədə müzakirələrin getdiyi bəllidir. Komandanın Premyer Liqadan düşməsinin qarşısını almaq üçün təcili addımlar atılması tələb olunur.
“Lids” hazırda 20 komanda arasında 17-ci pillədədir. Sona 4 tur qalarkən “Everton”dan 1 xal öndə olan, “Nottingem Forest”lə eyni xallara malik komanda hər an daha aşağı yuvarlana bilər. Bu səbəbdən rəhbərlik nəticələrdə dönüş edə biləcək məşqçi axtarır.
İlk namizəd Sem Ellerdaysdır. 2021-ci ilin yayında “Vest Bromviç”dən ayrılandan bəri işləməyən 68 yaşlı mütəxəssis qısamüddətli müqavləyə razı olmasa da, “Lids”ə kömək etməyin əleyhinə deyil.
Son olaraq “Əl Sədd”də işləmiş Xavi Qrasiya “Lids”ə fevralın 24-də təyin olunmuşdu. Əvvəllər bir sıra İtaliya və İspaniya klublarında, Rusiyada, Yunanıstanda çalışmış 53 yaşlı mütəxəssis heç yerdə uğurlu ola bilməyib. Cessi Marşın boşaltdığı posta əyləşəndən bəri də yalnız uğursuz nətiələrlə yadda qalan ispan mövsümün sonunadək müqavilə bağlamışdı.
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”
- Ölkə futbolu2024-04-23 08:00
“Səbail” “Sabah”a uduzsa…