Müsahibə
“Mayın 30-dan tez Bakıya dönmək mümkünsüz görünür”
“Artıq İspaniyada vəziyyət yavaş-yavaş normala dönür. Bu gündən etibarən insanlar şəhərlərdə gəzə biləcək və fərdi məşqlər edə bilər. Məsələn, kimsə qaçmaq üçün küçələrə çıxa bilər”. Bu sözləri futbolinfo.az-a açıqlamasında “Qəbələ”nin futbolçusu Fernan Lopes deyib.
O, İspaniyadakı son durumdan danışıb: “Mayın 11-dən etibarən isə mağazalar yavaş-yavaş açılmağa başlayacaq. Barlar da açılacaq. Lakin ora tam işləməyəcək. Yalnız 30 faiz xidmət göstərəcək. Otellərin də açılışı gözlənilir. Mayın 25-dən daha çox azadlıq olacaq. O zaman idman zallarında məşqlər, komanda idman növlərində məşqlər mümkün olacaq. 8 iyundan etibarən çimərliklərin və Mall-ların açılışı nəzərdə tutulur. 24 iyundan vəziyyətin tam normala dönəcəyi gözlənilir. Lakin bu proses bölgələrə uyğun aparılacaq. Məsələn, Barselonada hər şey daha tez, Madriddə daha gec açıla bilər”.
Yarımmüdafiəçi “əgər Azərbaycan klubları məşqlərə başlasa, bura necə qayıdacaqsınız” sualına belə cavab verib: “Hazırda heç nə bəlli deyil. Çünki klubların nə zaman məşq edəcəyi də bəlli deyil. Hər gün klubla danışıram. İspaniya səfirliyi ilə də əlaqə saxlayırıq. Onlar deyirlər ki, çətin olacaq və mayın 30-dan tez Bakıya dönmək mümkünsüz görünür. Həmin vaxt məşqlərə və uçuşlar bərpa olunacaq. Mənim burdan çıxmaq üçün heç bir problemim yoxdur. Vəziyyətə uyğun olaraq Azərbaycana qayıdacam”.
Fernan “Qəbələ” ilə iyunda başa çatacaq müqaviləsindən də söz açıb: “Müqaviləm iyuna qədərdir. Lakin +1 bəndi də var. Çempionat iyunda başlasa, oynamaq istəyirəm və “Qəbələ”yə kömək etmək niyyətindəyəm. Bizim üçün yaxşı mövsüm ola bilər. Klubdan ayrılmaq barədə isə düşünmürəm. Hər şey yoluna düşsə, klublar danışıq aparacağıq. Lakin ilk öncə bu mövsümü başa çatdırmaq barədə fikirləşirəm”.
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-29 08:00
Avrokuboka vəsiqə üçün vacib qələbələr: Sumqayıtda hakimlər də iş başında idi
- Ölkə futbolu2024-04-29 09:25
“Nitsa” Benzianı istəyir
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib