Dünya futbolu
“Milan”a “Bornmut” əngəli
“Milan”a yeni rəqib peyda olub. “Rossonyerlər” bu üzdən Nikolo Zaniolonun transferini reallaşdırmaya bilər.
Futbolinfo.az xəbər verir ki, “Roma”dan ayrılmağa qərar verən istedadlı yarımmüdafiəçiyə “Milan” yeganə müştəri sayılırdı. Son İtaliya çempionu 23 yaşlı oyunçunu mövsümün sonunadək icarəyə götürmək, yayda isə 30 milyon avro ödəyib birdəfəlik transfer etmək niyyətində idi.
“Roma” ilə müqavilə müddətini uzatmaqdan imtina edən oyunçu hələ daha ilyarım kluba bağlıdır. Bu səbəbdən onunla bağlı qərarı paytaxt təmsilçisi verməlidir. Oyunçunu əsas rəqiblərindən olan “Milan”a satmaq istəməyən “Roma”nın köməyinə “Bornmut”un təklifi çatıb. İngiltərə təmsilçisi 30 milyon avro + bonuslar təklif etməklə oyunçunu yanvar bitməmiş heyətinə qatmaq niyyətindədir.
Futbolçu hər nə qədər daha iddialı klub arzulasa da, şəxsi müqaviləylə bağlı ingilislərin təklifi “Milan”ın şərtlərindən daha yaxşıdır. Ona görə də Zaniolonun İngiltərədə görünmək ehtimalı daha çoxdur.
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-25 17:10
Klublar çətin vəziyyətdə: AFFA yardımları dondurub