Murad Musayev: “Bura Bakının gözəlliklərindən zövq almaq üçün gəlməmişəm”

“Sabah”ın baş məşqçisi Murad Musayevin futbolinfo.az- müsahibəsi

• “Sabah” gəlişinizdən sonra komanda uğurlu çıxış etdi. Qısa müddətdə nəyi dəyişdiniz?
• Artıq bir neçə dəfə mənə bu sualı veriblər. Düzü, sualın bu cür qoyuluşunu xoşlamıram. Məndən öncə olanlar və mənim nəyi dəyişdiyim barədə danışmaq istəmirəm. Komandanın oyunu ilə bağlı mənim öz baxışım var və hər gün bunun üzərində çalışıram. İrəlidə hələ görüləsi çox iş var.
• Burda olduğunuz müddətdə yalnız “Qarabağ”a böyükhesabla məğlub oldunuz. Həmin matçı indi soyuq başla analiz edəndə, necə düşünürsünüz, böyükhesablı məğlubiyyətin səbəbi nədir?
• Düşünürəm ki, nəticədə bir neçə amil rol oynadı. Bizim psixologiyamız, rəqibin səviyyəsi və oyuna hazırlıq zamanı yol verdiyim səhvləri qeyd edə bilərəm.
• Hazırda komandada hansı dəyişikliklər gözlənilir? “Sabah”ın çempionatın ikinci hissəsində uğurlu çıxışı üçün hansı planlarınız var?
• Əsas məqsədimiz komandanın oyununu stabilləşdirmək, öz oyun tərzimizi formalaşdırmaq və hücum futbolu sərgiləməkdir. Bu dediyim amilləri gerçəkləşdirə bilsək, komandanın nəticələri də sabitləşəcək. Mən bura Bakının gözəlliklərindən zövq almaq üçün gəlməmişəm. Bunları həyata keçirmək üçün kifayət qədər daxili motivasiyam var.
• Komandadan gedəcək futbolçuları müəyyənləşdirmisiz?
• Bir futbolçunu icarəyə vermək istəyirdik. Amma bu məsələdə çox şey transferlərdən asılı olacaq. Yeni futbolçu gəlsə, deməli, kimisə buraxmaq imkanı olacaq. Lakin hələ ki, bu istiqamətdə heç bir yenilik yoxdur. Ona görə, məncə bu barədə danışmaq tezdir.
• “Krasnodar”dan bir neçə futbolçunu “Sabah”a gətirəcəyinizlə bağlı xəbərlər var idi. Bu məlumatlar nə dərəcədə doğrudur?
• Bu gün üçün bu doğru məlumat deyil. İndiyə kimi bu barədə eşitdiyim xəbərlərin heç bir əsası yoxdu.
• Yerli futbolçu transferi barədə düşünürsünüz? Gözaltı etdiyiniz kimsə varmı?
• Bunun heç bir fərqi yoxdu. Ümumiyyətlə, komandamızı gücləndirəcək oyunçunun transferi barədə düşünürəm.

AĞA