Ölkə futbolu
“Neftçi” Qara Qarayevin “Qarabağ”a vidasını gözləyir
“Neftçi” Qara Qarayevin yolunu gözləyir. Bakılılar 3 illik müqavilə bağlamaq istədikləri yarımmüdafiəçi ilə razılaşıb.
Futbolinfo.az xəbər verir ki, keçidin rəsmiləşməsi üçün oyunçunun Ağdam təmsilçisindən ayrılması lazımdır. Qaranın isə bütün karyerasını həsr etdiyi “Qarabağ”la müqaviləsi var. 30 yaşlı oyunçu ötən mövsümün gedişində əsas heyətdə itirdiyi yerini qaytara bilmədiyi üçün vidalaşmaq istəyir.
Yerli oyunçu potensialını yaxşılaşdırmaq niyyətində olan “Neftçi” əzəli rəqibinin üzvünü ələ keçirmək üçün müxtəlif vasitələrdən istifadə edib. Rəhbər şəxslər, menecerlər öz yerində, komandanın kapitanı Emin Mahmudov da danışıqlarda iştirak edib, futbolçunu yeni layihəyə inandırmağa çalışıb.
Qarayev 2011-ci ildən çıxış etdiyi komandanı əsas rəqibə dəyişməyə tərəddüd etsə də, artıq bu barədə rəhbərliklə və baş məşqçi Qurban Qurbanovla danışıb. Patrik Andradenin gəlişindən sonra yarımmüdafiədə rəqabətin bir qədər də gücləndiyini anlayan Qara daim oynayacağı yerə getmək niyyətindədir. Yəqin ki, anlaşmaya qarşılıqlı razılıqla xitam veriləcək və ağdamlılar tezliklə rəsmi açıqlama yayacaq. Bundan sonra isə “Neftçi” transferi elan edəcək.
Bu mövsüm Çempionlar Liqasında meydana çıxmış Qarayev “Neftçi”yə əsasən Premyer Liqanın yeni mövsümündə kömək edə biləcək.
Xatırladaq ki, Qaranın klubunu dəyişməsi ilə bağlı xəbərlər xeyli vaxtdı dolaşır. Dünən isə sportal.az bu barədə növbəti dəfə yazıb.
- Ölkə futbolu2024-04-16 13:19
AFFA-da fırtınaqabağı sakitlik: maliyyə yoxlaması davam edir
- Ölkə futbolu2024-04-15 08:00
Hakim kömək etmədi, “Səbail” yenə qələbəsiz qaldı
- Ölkə futbolu2024-04-15 10:17
“Qarabağ” üçün daha iki potensial rəqib
- Ölkə futbolu2024-04-15 10:03
Musanın oynamamasının səbəbi – baş məşqçi açıqladı