Ölkə futbolu
Reynaldo: “Qarabağ”a görə çox sevinirəm”
“Məncə, çox çətin oyun olacaq, amma “Qarabağ” bu mövsüm çox yaxşı futbol oynayır”. Bu sözləri futbolinfo.az-a açıqlamasında “Qarabağ”ın sabiq braziliyalı oyunçusu Reynaldo deyib.
O, Ağdam klubunun bu gün Konfrans Liqasının qrup mərhələsinin son turunda “Bazel”ə qarşı keçirəcəyi oyundan danışıb.
Reynaldo komandanın uğuruna sevindiyini də gizlətməyib: “Mən “Qarabağ”a azarkeşlik edəcəm. Onların qrup mərhələsində uğurlu çıxışını görəndə çox sevinirəm. Şadam ki, “Qarabağ” pley-off-a vəsiqə qazanıb və birincilik uğrunda mübarizə aparır”.