Son yarımfinalçı da müəyyənləşdi

MBA-da 2-ci mərhələnin seriyalarında ilk oyunlar davam edir. Yalnız bir yarımfinalda hələlik seriyaya start verilməyib. Bunun da səbəbi “Sakramento” – “Qolden Steyt” qarşıdurmasında 7-ci oyuna ehtiyacın duyulması idi. Həlledici oyunda 120:100 hesabı ilə qalib gələn son çempion konfrans yarımfinalına vəsiqə qazanaraq “Los-Anceles Leykers”in rəqibi olub. 7-ci oyunda 50 xal toplayan Körrünin Lebron Ceymslə dueli maraqla gözlənilir.

Ən maraqlı yarımfinallardan biri kimi göstərilən “Boston” – “Filadelfiya” oyununda qonaqlar qalib gəlib. 115:119. Hərçənd onların qələbə qazanma ehtimalı çox aşağı idi. Bunun isə əsas səbəbi Embidin zədəyə görə olmaması idi. Lakin onun yoxluğunda Ceyms Harden əla oyun nümayiş etdirib. MBA-nın ən güclü snayperlərindən biri oyunu 45 xalla tamamlayıb. Burada “Sikers”in baş məşqçisinin vaxtilə “Boston”da çalışan Dok Rivers olmasını da vurğulamaq lazımdır. “Seltiks”in heyətində Teytum 39 xal toplayıb.

Çempionatda ən çox xalla toplayan “Denver Naggets” vəziyyətini çətinə salmaq fikrində deyil. Evdə keçirdiyi ikinci oyunda da Yokiç və komanda yoldaşları qələbə qazanıblar – 97:87.

Burada da görüşün taleyi matçın sonlarında müəyyənləşib. Yokiç oyunu 39 xal və 16 ribaundla başa vurub. “Finiks Sans”da isə Buker 35 xal toplayıb. Kevin Dürant oyunu 24 xalla başa vurub. Hələlik, Dürant “Finiks”ə keçdikdən sonra ulduz statusunu nümayiş etdirə bilmir.

“Denver”in 2:0 öndə olduğu seriyanın növbəti 2 oyunu Finiksdə keçiriləcək.