Şota Arveladze “Futbolinfo”ya danışdı: “Qardaşım oğlunun xəsisliyi yoxdur”

İngiltərənin “Hall Siti” klubunun baş məşqçisi və “Neftçi”nin yeni transferi Vato Arveladzenin əmisi Şota Arveladzenin futbolinfo.az-a müsahibəsi

• Qardaşınız oğlu Vato Arveladzenin “Neftçi”də uğurlu olacağını düşünürsünüz?
• Təbii ki, uğurlu olacaq. Qardaşım oğludur deyə demirəm, o, çox yaxşı futbolçudur. Bacarıqlı, istedadlı biridir. Ümid edirəm ki, potensialını “Neftçi”də ortaya qoyacaq.
• Bir baş məşqçi kimi onun hansı güclü tərəflərini saya bilərsiz və sizin komandada olsaydı, onun hansı üstünlüklərindən istifadə edərdiz?
• O, hər zaman 10 nömrə oynayıb. Çox yaxşı zərbələri var. Ən böyük üstünlüklərindən biri həm sağ, həm sol ayağını yaxşı istifadə etməsidir. Təkcə zərbə vurmaq üçün deyil, həm də ötürmələr üçün bu üstünlüyündən yararlanmağı bacarır. Xəsisliyi yoxdur və daim ötürmə verməyi sevən biridir. Əsl komanda oyunçusudur.
• “Neftçi”ni heç izlədinizmi?
• Təəssüf ki, izləmədim.
• Bu gün Avropa Konfrans Liqasının 3-cü təsnifat mərhələsində Avstriyanın “Rapid” (Vyana) klubu ilə qarşılaşacqlar…
• İzləməsəm də, qazandıqları nəticələrdən xəbərim var. Çox yaxşı bir çıxış əldə ediblər və evdə də qalib gəliblər. Bu təbii ki, əla haldır. Bu gün cavab oyununda da qalib gələcəklərinə inanıram.

FƏRİD