Ölkə futbolu
Xələflər istefaya göndərilənlərdən daha yaxşıdır
Misli Premyer Liqasının cari mövsümündə 14 məşqçi iş başında olub. Geridə qalan 22 tur ərzində yalnız 3 komanda baş məşqçi dəyişikliyinə gedib.
Maraqlıdır ki, məşqçisi ilə vidalaşan “Kəpəz”, “Sumqayıt” və “Səbail” bundan yalnız xeyir görüb. Düzdür, adı çəkilənlər hazırda autsayderlər qrupunu formalaşdırır. Amma bu komandaların yeni məşqçilərinin nəticəsi sələflərindən yaxşıdır.
Komandalardan 7-i məşqçisi ilə mövsüm başlayandan yola davam edir. Bu səbəbdən onların oyun sayına görə topladığı orta xal üzrə siyahısı turnir cədvəlindəki mövqelərinə uyğundur. Yalnız kiçik istisnalar var. Məsələn, Şahin Diniyev qısa periodda daha yaxşı nəticə göstərərək ilk “dördlüy”ə daxil olub. Halbuki real qiymət vermək üçün ən azı bir dövrənin bitməsini gözləməliyik.
Lakin nə olursa olsun, son 4 pillə istefaya göndərilənlərin payına düşür. Hazırladığımız cədvəl də göstərir ki, onların qovulması qanunauyğundur. İşləyənlərdən heç biri bu məşqçilərdən daha pis nəticə göstərməyib. Bu məntiqlə oyun başına 1 xal toplamayan Vüqar Əsgərlinin və Tərlan Əhmədovun da istefası yaxın görünür.
məşqçi: oyun – xal – orta hesabla xal
Qurban Qurbanov: 22 – 58 – 2,63
Murad Musayev: 22 – 53 – 2,40
Laurentsiu Regekampf: 22 – 45 – 2,04
Şahin Diniyev: 4 – 6 – 1,5
Rəşad Sadıqov: 22 – 32 – 1,45
Elmar Baxşıyev: 22 – 28 – 1,27
Ayxan Abbasov: 22 – 23 – 1,04
Samir Abasov: 15 – 15 – 1
Tərlan Əhmədov: 17 – 14 – 0,82
Vüqar Əsgərli: 22 – 16 – 0,72
Mahmud Qurbanov: 18 – 10 – 0,55
Aleksey Baqa: 7 – 3 – 0,42
Xaliq Mərdanov: 1 – 0 – 0
Yaşar Vahabzadə: 4 – 0 – 0
Premyer Liqa təmsilçiləri arasında məşqçi dəyişikliyinə əl atan ilk komanda “Kəpəz” olub. Starda 4 tur ərzində xala həsrət qalan Yaşar Vahabzadəni bir matçda əvəz edən Xaliq Mərdanov da heç nəyi dəyişməyi bacarmadı. Daha sonra Gəncə klubunu Tərlan Əhmədov təhvil aldı.
“Sumqayıt”da 7 turda cəmi 3 heç-heçəyə nail olan Aleksey Baqanın xələfi Samir Abasov, “Səbail”də 18 matçda 10 xal toplayan Mahmud Qurbanovu əvəz edən Şahin Diniyev hələ ki, daha yaxşı təsir bağışlayır. Lakin yekun sözü demək üçün tezdir. Mövsümün sonunda hansı klubda daha doğru qərarların verildiyini görəcəyik.
AĞA
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-25 17:10
Klublar çətin vəziyyətdə: AFFA yardımları dondurub
- Ölkə futbolu2024-04-26 08:00
Juninyo – Avropanın ən yaxşı braziliyalısı