Zivzivadze “Qəbələ”yə məğlubiyyəti utancverici sayır: “Volkovla birlikdə oynamışıq”

“Qəbələ”nin Konfrans Liqasında rəqibi olan Macarıstanın “Fehervar” klubunun futbolçusu, birvaxtlar “Neftçi”yə transferi gündəmdə olan Budu Zivzivadzenin futbolinfo.az saytına müsahibəsi

– Azərbaycan futbolu haqqında çox məlumatım yoxdur. Amma “Qarabağ”ın çox güclü klub olduğunu bilirəm. Başqa komandalar çox da pis deyil. Hər il inkişaf olduğu barədə informasiyam var.

– Heç Azərbaycan çempionatını izləmisən? Birzamanlar “Neftçi”yə keçidin də gündəmdə idi…

– Yox, mən Azərbaycan çempionatını izləməmişəm. Bəzən nəticələrə baxırdım. Buna da səbəb orada oynayan gürcü futbolçularla maraqlanmağım idi.

– Həmyerlin, “Sabah”da çıxış edən Davit Volkovla hər hansı danışığın olub?

– Mən onu yaxşı tanıyıram. Biz yeniyetmə ikən eyni komandada çıxış etmişik. Həmçinin milli komanda da birlikdə oynamışıq. O, çox yaxşı oyunçudur. Amma hazırda “Qəbələ” haqqında heç bir söhbətimiz olmayıb.

– Bilirsən ki, o, ilk dəfə Azərbaycana gələndə “Qəbələ”də çıxış edib…

– Bəli, məlumatım var.

– “Qarabağ”ın gücündən danışdıq. Orada da həmyerlin Luka Quqeşaşvili oynayır…

– Luka çox yaxşı qapıçıdır. Lakin Davit kimi onunla da heç bir danışığımız olmayıb.

– “Qəbələ”nin bugünkü gücünü nəzərə alsaq, onlara uduzmaq sizin üçün faciə olacaq…

– Utancverici olacaq. Çünki bizim hədəfimiz var. Biz Konfrans Liqasında mümkün qədər çox irəli getmək niyyətindəyik. Əgər onları keçə bilməsək, bu, utancverici nəticə sayılacaq.

AĞA