Milli komanda
Əliyev qışda təzminat istəyən Obradoviçi əvəz edəcək
Milan Obradoviçlə vidalaşan AFFA U-21-ə yeni baş məşqçi axtarmır. Çünki bu posta təyinat çoxdan dəqiqləşib, rəsmiləşməsi isə zaman məsələsidi.
Faydasız əcnəbilərdən xeyir görməyən AFFA yenidən yerli mütəxəssisə üz tutub. Bu post U-19-un sabiq, U-20-nin hazırkı baş məşqçisi Samir Əliyevə həvalə olunacaq. Sabiq hücumçu yeni iş yerində fəaliyyətə Konya səfərindən sonra başlayacaq.
Avqustun 9-18-də Türkiyənin adıçəkilən şəhərində İslam Oyunları baş tutacaq. Həmin yarışa yollanacaq U-23 komandamız Samir bəyə tapşırılıb. Əliyev hazırda heyəti və hazırlıq planını müəyyənləşdirməklə məşğuldu. Məhz bu yarışdan sonra o, rəsmən U-21-ə baş məşqçi təyin olunmalıdı.
Əslində, Samir bəy hələ qışda bu komandaya təyinat almalı idi. AFFA işindən narazı qaldığı Obradoviçi növbəti 2 ayın maaşını ödəmək şərti ilə yola salmağa çalışıb. Amma düşüncəsi yalnız pul qazanmaq olan serb təzminat, yəni, müqaviləsinin qalan hissəsi üçün alacağı bütün maliyyəni tələb edib. Belədə AFFA onu postunda saxlamağa, seçmə mərhələnin bitməsini gözləməyə məcbur olub.
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”
- Ölkə futbolu2024-04-23 08:00
“Səbail” “Sabah”a uduzsa…