I Liqa
"Energetik" də limitdən narazıdı
Futbol üzrə Azərbaycan çempionatının birinci divizionu…
Futbol üzrə Azərbaycan çempionatının birinci divizionunda 2014/15 mövsümünün ilk turunda “Qaradağ Lökbatan”ın qonağı olan “Energetik”i 2 cavabsız qolla məğlub oldu. Futbolinfo.az xəbər verir ki, matçdan sonra qonaq komandanın çalışdırıcısı Sahib Qocayev məğlubiyyətlə barışdığını dedi və çempionatdakı limitlə bağlı narazılığını bildirdi:
“0:2 hesablı məğlubiyyətlə razılaşırıq. Biz elə də imkanlı klub deyilik. Ay yarımdı ki, məşq edirdik. Rəqib bizi fiziki hazırlığın hesabına məğlub etdi. Belə baxanda, futbolçularımdan razıyam. Onlar meydanda bacardıqlarını etdilər. Lakin bu limit məsələsi bizi narahat edir. Qayda belədi ki, meydanda olan 8 futbolçunun yaşı maksimum 23 olmalıdı. Bu səbəbdən komandamdan 5-6 futbolçu itirdim. "8+3" çoxdu. Yenə limit 5 nəfərlik olsaydı, futbol oynamaq olardı. Komandamızda hamısı gənc futbolçulardı. Komandam 19, 17, 20 yaşlı futbolçulardan ibarətdi. Bizdə 23 yaşlı futbolçu azdı. “Qaradağ Lökbatan” da iddialı klubdu. Onlar Premyer Liqaya vəsiqə uğrunda mübarizə aparır. Birinci divizionda 3 komanda – “Qaradağ Lökbatan”, “Nefçala” və “Ağsu” iddialıdı. Onlar elita uğrunda mübarizə aparır. Mən də məğlubiyyətlə barışıram”.