Ölkə kuboku
Kubok biabırçılıqla start götürdü
Bu gün 23-cü Azərbaycan Kubokunda yeni mövsümə s…
Bu gün 23-cü Azərbaycan Kubokunda yeni mövsümə start verildi. Futbolinfo.az xəbər verir ki, ilk oyun günündə 1/16 final mərhələsi çərçivəsində MOİK "Bakı"nın təlim-məşq bazasının suni örtüklü meydançasında “Lokomotiv”i qəbul etdi. Qarşılaşma "hərbiçilər"in 1:0 hesablı qələbəsi ilə başa çatsa da, bir sıra neqativ hallar hələ də ölkə futbolunda qeyri-peşəkarlığın olduğunu sübut etdi.
Belə ki, oyunun keçirildiyi arenaya təcili tibbi yardım maşını əvəzinə hərbi tibbi yardım avtomobili gəlmişdi. Stadion sanki bir anlıq atışmaların gərgin keçdiyi ön cəbhəni xatırladırdı. Müşahidələrimiz nəticəsində şahidi olduq ki, maşının içindəki xəstə üçün nəzərdə tutulmuş xərəkdə vaxtın tez bir zamanda keçməsini gözləyən əsgər yatıb. Həmin əsgər də MOİK futbolçularını daşıyan avtobusun sürücüsü idi. Futbolçuların sağlamlığına, onların zədələnəcəyi halda ilk tibbi yardımı göstərməli olan polkovnik-leytenant rütbəli həkim isə stadiona uniformada gəlmişdi. O, qarşılaşmanı stadionun kənarından, adi azarkeş kimi izləyirdi. "Həkim"in əynində nə ağ xalat, nə də əlində hər hansı bir tibb çantası gördük. Bir sözlə Biləcəridə baş tutan görüşdə həkim stadiona yalnız görüntü üçün gəlmişdi. Hansısa bir futbolçu ağır xəsarət alsaydı, stadionda biabırçı durum yaşanacaqdı.
Bundan başqa stadionda yanğınsöndürən maşın da yox idi. Əslində yanğınsöndürən maşının olmaması matçın başlamasına əngəl törədən amillərdən biridi. Birinci divizion klublarınln maddi durumunun aşağı olmasına görə ölkə futbolunun rəhbərliyi bu məsələyə göz yumur. Amma bu, məsuliyyətdən qaçmaq anlamına gəlmir. MOİK ev sahibi kimi təcili tibbi yardım maşını əvəzinə stadiona hərbi tibbi yardım maşını gətirirsə, yəqin ki, yanğınsöndürən maşın əvəzinə gələn dəfə yanğınsöndürən balon gətirər. Yanğınsöndürən maşın olmadan qarşılaşmanın başlamasına necə icazə verildiyini oyuna təhkim olunmuş AFFA nümayəndəsi Nuvər Xasiyevdən soruşduq. O isə öz növbəsində durumdan xəbərdar olduğunu bildirdi. Xasıyev oyunun baş tutmasına icazə vermədiyini, daha sonra məsələdən tabe olduğu quruma da xəbər verdiyini bildirdi. İş burasındadı ki, Nüvər bəyə qarşılaşmanı başlamağa razılığı yanğınsöndürən maşınınn olmadığını protokola qeyt etmək şərti ilə veriblər.
Bu, futbolinfo.az-ın ölkə futbolunda çatışmazlıqları ortaya çıxardığı növbəti biabırçı durumlardan idi. Güman edirik ki, növbəti dəfə belə bir hal yaşanmayacaq.
EMİN SƏFƏROV
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-23 08:00
“Səbail” “Sabah”a uduzsa…
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”