Premyer-liqa
Aqil Məmmədov: "Munis, Vüsal kimi hakimləri yola salmaq yox, rədd etmək lazımdı"
"Sumqayıt"ın baş məşqçisi Aqil Məmmədov Topaz …
"Sumqayıt"ın baş məşqçisi Aqil Məmmədov Topaz Premyer Liqasının 9-cu turu çərçivəsində "Qəbələ"yə qarşı keçirdikləri oyunu şərh edib. Futbolinfo.az xəbər verir ki, sumqayıtlıların çalışdırıcısı 1:3 hesabıyla bitən qarşılaşmadan sonra bunları söyləyib:
"Öz komandamın hər bir futbolçusundan razıyam. Qarşılaşmanı 1:3, 1:5, 1:10 hesabı ilə uduzsaydıq belə, yenə oyunçularımdan razı qalacaqdım. Uşaqlar hamısı vuruşdular. Biz hamımız, məşqçilər korpusu da azərbaycanlıyıq. Amma hakimlər bərbad idarəçilikdə oyunu sındırdılar. "Qəbələ"nin oyunundan heç danışmaq da istəmirəm. Onlar bu günkü qələbəyə layiq deyildi. Heyfslənirəm ki, öz uşaqlarımızın əziyyəti yerə vuruldu. Vurduğumuz qol qeydə alınmadı, rəqibin ikinci qolunda isə qayda pozuntusu var idi. Nodar Məmmədovu belinə minib qol vurdular. Mən ehtiyat oyunçular skamyasından gördüm ki, ikinci qolumuz təmizdi. Ümumiyyətlə Munis Abdullayev, Vüsal Əliyev kimi hakimləri yola salmaq yox, rədd etmək lazımdı. Bizdə bu gün ehtiyat oyunçular skamyasında cəmi bir müdafiəçi var idi. Onu da Slavik Alxasov zədələndiyi üçün meydana buraxdıq. Biz onsuz ötən ildən yaxşı nəticə göstərmək istəyirik. Sadəcə, öz futbolçularımızın əziyyətinə heyfim gəlir. Başa düşürəm, ev komandasına hakim tərəfindən simpatiya olar. Amma bu dərəcədə yox. Onların 25 nömrəli futbolçusu qırmızı almalıydı, heç sarı da verilmədi".