Mənsimov Droqbadan geri qalmadı

"Palmali" Şirkətlər qrupunun prezidenti, "Xəzər Lənkəran"ın fəxri prezidenti Mübariz Mənsimov qardaş Türkiyədə gündəmdən düşmür. Futbolinfo.az xəbər verir ki, bir neçə gün bundan öncə tanınmış türkiyəli məşqçi Mustafa Dənizlini komandasının başına gətirmək üçün razı salan Mənsimov bu dəfə başqa bir uğuru ilə diqqət mərkəzinə düşüb.

Belə ki, həmyerlimiz son illərdə etdiyi investisiyalara görə ilin ən təşəbbüskar iş adamı seçilib. Müxtəlif kateqoriyalar üzrə ən yaxşılara təqdim olunan "GQ Men of the Year" mükafatını alanlar arasında Mənsimov da olacaq.

Maraq üçün bildirək ki, "GQ Men of the Year" tərəfindən ilin idmançısı Fil Dişi Sahili və "Qalatasaray"ın hüçumçusu Didye Droqba seçilib. Qaliblər dekabrın 11-də “Four Seasons Bosphorus” otelində mükafatlarına qovuşacaqlar.

İlin təşəbbüskarı – Mübariz Mənsimov

İlin aktyoru – Kenan İmirzalıoğlu

İlin idmançısı – Didye Droqba

İlin qeyri-adi uğuru – Ahmet Akgiray

İlin prodüseri – Kerem Çatay

İlin rejisoru – Yılmaz Erdoğan

İlin stil sahibi kişisi – Murat Türkili

İlin aşbazları – Üryan Doğmuş-Cihan Kıpçak

İlin müsiqiçisi – Mabel Matis

Xüsusi mükafat – Kenzo Takada