Portuqaliya futbolunun canlı əfsanəsi Eysebionun Azərbaycan yığması haqda dediyi fikirlər 2013-cü ilin ən yaxşı sitatları siyahısına düşüb. Futbolinfo.az xəbər verir ki, İngiltərənin “The İndependent” nəşri həmyerlisi Kriştianu Ronaldo ilə müqayisə olunmasından narazı qalan Eysebionun sözlərini tutarlı sayıb.
Ronaldo ilə müqayisə olunmasından narahat olan Eysebio bunları bildirmişdi: "Eysebio fikrini əsaslandırarkən, “Mən Portuqaliya millisində 60 matçda forma geyinmişəm və 41 qol vurmuşam. Kriştianu isə artıq 100-dən çox oyuna çıxıb. Digər tərəfdən, ondan fərqli, Lixtenşteyn və Azərbaycan yığması kimi komandalara qarşı oynamamışam. Məni Ronaldo ilə müqayisə edəndə əhvalım korlanır".
