"Sumqayıt"ın baş məşqçisi Aqil Məmmədovun Futbolinfo.az saytına müsahibəsi
– Geridə qalan 2 dövrədə "Sumqayıt"ın çıxışını necə dəyərləndirirsiz?
– Fikrimcə pis futbol nümayiş etdirmədik. Oynadığımız oyunlarda ən çox bizə futbolçuların təcrübəsizliyi, bəxtsizliyimiz mane oldu.
– Qələbə qazanmamağınızda əsas çatışmazlıqlar nə oldu?
– Çox oyunlarda hüçumlarda "dişsiz"lik oldu. Pərdis-Fərcad Azad zədəsini yeni bərpa etmişdi. Ruslan Nəsirli təcrübəsiz olmasına baxmayaraq perespektivli futbolçudu. Rəqib komandanın cərimə meydanına qədər gəlirdik, ancaq son nöqtəni qoya bilmirdik.
– Komandanızda icarə əsasında oynayan bir neçə futbolçu var idi. Sizcə onlar komandaya nə dərəcədə can yandırırdılar?
– Komandaya can yandıranlar və yandırmayanlar oldu. Düzdü, biz sırf yerli futbolçulara üstünlük veririk. Biz, futbolçuları müqavilə bağlayıb gətirdə bilmirik. Ancaq icarə əsasında gəlirlər.
– Komandaya legioner futbolçuların dəvət olunması üçün rəhbərlik qarşısında tələb qaldırmısız?
– Klubun yarandığı vaxtdan qarşısına məqsəd qoyulub ki, cavan olan yerli futbolçuların oyun təcrübələri artırılsın. Həmin futbolçular oyundan oyuna öz təcrübələrini artırsınlar və yığma komalara cəlb olunsunlar.
– Komandadan artıq bir neçə futbolçu ayrıldı. Gözaltı etdiyiniz futbolçular var?
– İcarə əsasında oynayan 5 futbolçu artıq öz klublarına qayıdıblar. Dünən Ramil Mansurovla 2 illik müqavilə imzaladıq. Tərzin Cahangirovla da ilkin razılıq əldə etmişik. Şəhriyar Xəlilov da komandamıza baxışa gələcək. Bundan başqa Rusiyanın ikinci divizionundan iki futbolçu baxışda olacaq.
– Ən çox hansı mövqeyləri gücləndirməyi planlaşdırırsız?
– Ən çox hüçüum xəttini gücləndirməyi düşünürəm. Bundan əlavə olaraq sağ və sol yarımmüdafiənin cinahlarını da gücləndirməyimiz şərtdi.
– Qış fasiləsindən sonra fərqli "Sumqayıt" görə biləcəyik?
– Geridə qalan matçlarda pis oyun nümayiş etdirmədik. Nəticələrimiz bərbad olsa da, nümayiş etdirdiyimiz oyun normal idi. Nəticələrimiz oyuna görə deyildi. Elə oyunlar oldu ki, hakim səhvləri ucbatından uduzduq. İnanıram ki, 3-cü dövrədə fərqli bir "Sumqayıt" görəcəksiz.
EMİN SƏFƏROV
