Almaniya üçüncü Bundesliqasında mövsümə yekun vurulub. Futbolinfo.az xəbər verir ki, Azərbaycan yığmasının yarımmüdafiəçisi Tuğrul Eratın komandası – "Duysburq" da sonuncu – 38-ci matçına çıxıb.
Sözügedən klub doğma meydanda "Zvikkau" ilə qarşılaşıb. Futbolçumuzun komandası bu oyundan qələbə ilə ayrılıb – 5:1.
Erat bu görüşə start heyətdə başlayıb və sonadək oynayıb.
Bu qələbə sayəsində "Duysburq" 38 turdan sonra 68 xalla 20 klub arasında 1-ci olub. Üçüncü Bundesliqa çempionu kimi futbolçumuzun komandası növbəti mövsümdən ikinci Bundesliqada oynamaq hüququ qazanıb.