“Neftçi” Avropa Liqasının 1-ci təsnifat mərhələsi çərçivəsində "Speranta"ya qarşı keçirəcəyi ilk oyun üçün bu gün Moldovaya yollanıb.
Futbolinfo.az xəbər verir ki, paytaxt təmsilçisi artıq mənzil başına çatıb.
Baş məşqçi Roberto Bordinin kollektivi Bakı-İstanbul-Kişinyov marşrutu ilə səfərə yollanıb və təxminən 1 saat əvvəl Moldova paytaxtına yetişib.
Komanda matçın son hazırlığını oyunun keçiriləcəyi "Zimbru" stadionunda edəcək.
Qeyd edək ki, "Speranta" – "Neftçi" görüşü iyulun 11-də baş tutacaq.