Almaniya 2-ci Bundesliqa təmsilçisi “Holştayn Kil” komandası polşalı müdafiəçi Timoteuş Puxaçı “Sabah”a satdıqlarını açıqlayıb. Futbolinfo.az xəbər verir ki, klub instaqram hesabında bu barədə paylaşım edib.
Paylaşıma Puxaç da şərh yazıb. O, keçmiş klubunun paylaşdığı fotoda onunla birlikdə yer alan “Bayern”in ulduzu Maykl Oliseyə “pozdro, Olise” (salamlar, Olise) yazaraq şərh bildirib.
Qeyd edək ki, Puxaç ötən ilin yayından “Sabah”da çıxış edir. O, Masazır klubunda icarə əsasında oynasa da, klub ötən gün futbolçunu birdəfəlik transfer edib.
