Cari mövsüm “Qarabağ”ın UEFA Avropa Liqasının 1-ci təsnifat mərhələsindəki ilk oyununu idarə etmiş moldovalı hakim Roman Jitari “Zirə”nin UEFA Konfrans Liqasındakı matçına da təyinat alıb.
Futbolinfo.az xəbər verir ki, 35 yaşlı FIFA referisi Azərbaycan təmsilçisinin Estoniyada “Payde”yə qarşı keçirəcəyi 2-ci təsnifat mərhələsinin ilk qarşılaşmasında əsas söz sahibi olacaq.
Ona həmyerliləri Viktor Mardari və Andrey Bodean köməklik göstərəcək. Dördüncü hakim funksiyasını Andrey Brequta yerinə yetirəcək.
Xatırladaq ki, iyulun 23-də Estoniyadakı Parnu şəhərində keçiriləcək “Payde” – “Zirə” oyunu Bakı vaxtı ilə saat 20:00-da start götürəcək. Roman Jitari Bakıda “Qarabağ” – “Vestri” oyununu idarə edib. İyulun 9-dakı qarşılaşmada Azərbaycan təmsilçisi üç cavabsız qolla qalib gəlib.