Rudi Qarsiya Belçika millisinin baş məşqçisi vəzifəsini tərk edib.
Futbolinfo.az xəbər verir ki, bu barədə Belçika Futbol Assosiasiyası məlumat yayıb.
Bildirilir ki, tərəflər arasında aparılan müzakirələrdən sonra iyulun sonuna qədər qüvvədə olan müqavilənin uzadılmaması barədə qərar qəbul edilib.
Xatırladaq ki, Rudi Qarsiya 2025-ci ilin fevralında Belçika millisinin baş məşqçisi təyin olunmuş və bu vəzifədə Domeniko Tedeskonu əvəzləmişdi.
Belçika yığması DÇ-2026-da 1/4 finala qədər irəliləsə də, sonradan turnirin qalibi olan İspaniyaya 1:2 hesabı ilə məğlub olub. Həmçinin Belçika mundial ərzində İspaniyanın qapısına qol vura bilən yeganə komanda olub.